دانيار اقىشيەۆ قازاقپاراتتىڭ شەتەلدەگى وقىرماندارىنىڭ ساۋالىنا جاۋاپ بەردى

استانا. قازاقپارات - «قازاقپارات» ح ا ا ۇيىمداستىرعان ونلاين- كونفەرەنسيادا ق ر ۇلتتىق بانكىنىڭ ءتوراعاسى دانيار اقىشيەۆ اگەنتتىكتىڭ اعىلشىن تىلىندەگى نۇسقاسىنداعى وقىرماندار ساۋالىنا اعىلشىن تىلىندە جاۋاپ بەردى.

جاقىن بولاشاقتاعى وتاندىق ەكونوميكانىڭ دامۋ بولجامى تۋرالى سۇراققا دانيار اقىشيەۆ 2018 -جىلعا قاراي ەلدەگى ەكونوميكالىق ءوسىم 3 پايىز مولشەرىندە بولجاناتىنىن، اتالعان كورسەتكىش قوسىمشا كوزدەر تابىلسا بۇدان دا جوعارى بولاتىنىن جەتكىزدى.

سونىمەن قاتار، دانيار اقىشيەۆ ق ر ۇ ب بارلىق بولجامداردى ءوزىنىڭ رەسمي سايتىنا جاريالاپ وتىراتىنىن جانە كەز كەلگەن قولدانۋشىعا قول جەتىمدى ەكەندىگىن ايتتى.

 جەكە تۇلعالاردىڭ دەپوزيتتەرى تۋرالى سۇراققا دانيار اقىشيەۆ جالپى كولەمى 16,7 تريلليون تەڭگەنى (15 ميلليارد دوللار) قۇرايتىن دەپوزيتتەردىڭ ۇلتتىق ۆاليۋتادا تەڭ جارتىسى ساقتالعانىن ايتتى. 2 جىل بۇرىن بۇل كورسەتكىش 30 پايىز كولەمىندە عانا بولعان.

 ءتوراعانىڭ ايتۋىنشا، مۇنداي پروگرەسسكە ۇلتتىق بانك جۇرگىزگەن مونەتارلى ساياسات جانە قۇندى قاعازداردىڭ سىرتقى نارىقتاعى تۇراقتىلىعى مەن ۇلتتىق ۆاليۋتا باعامى ارقىلى قول جەتكىزىلگەن.