قازاقستاندا جاسالعان اسكەري تەحنيكا سىناقتان ءوتىپ جاتىر
ق ر قورعانىس مينيسترلىگىنىڭ ساراپشىلارى قازىر اسكەري تەحنيكانى قىس مەزگىلىندەگى ەكسترەمالدى تابيعي- كليماتتىق سىناقتاردان وتكىزۋدە. سىناقتان وتكىزۋ باعدارلاماسى تۇنگى جانە كۇندىزگى ۋاقىتتارداعى تەحنيكاعا ورناتىلعان قارۋلاردان اتقىلاۋ جۇمىستارىن قاراستىرىپ جاتىر، دەپ حابارلادى ۆەدومستۆو باسپا ءسوز قىزمەتى.
برونەترانسپورتەردىڭ جوعارى بولىگىنە 30 ميلليمەترلىك تۇراقتى 2ا42 اۆتوماتيكالىق زەڭبىرەگى جانە 7,62 م م پ ك ت پۋلەمەتى ورنالاستىرىلعان. قارۋدى تۇرىك كومپانياسىمەن بىرلەسكەن وتاندىق زاۋىت جاساپ شىعارعان.
زاماناۋي اسپاپتارمەن جابدىقتالعان جاڭا اسكەر تەحنيكانى «قازاقستان پاراماۋنت ينجينيرينگ» ج ش س وڭتۇستىك افريكالىق «Paramount Group» كومپانياسىمەن بىرلەسىپ دايىنداعان.
وتاندىق ب ت ر كوپ فۋنكسيونالدى، جىلدام، سونىمەن بىرگە بالليستيكالىق جانە مينادان قورعانۋدىڭ ەڭ جوعارى تالاپتارىنا جاۋاپ بەرە الادى.
«بارىس» 8х8 تۇڭعىش رەت IV حالىقارالىق «KADEX» قارۋلانۋ جانە اسكەري- تەحنيكالىق مۇلىك كورمەسىندە تانىستىرىلعان.
