قازاقستاندا يسلام قارجىلاندىرۋ نارىعى نەگە دامىماي وتىر

 الماتى. قازاقپارات - ق ر ۇلتتىق بانكى ءتوراعاسى دانيار اقىشيەۆ الماتىدا ءوتىپ جاتقان ونلاين- كونفەرەنتسيا بارىسىندا قازاقستانداعى يسلام قارجىلاندىرۋ نارىعى تۋرالى ايتتى، دەپ حابارلايدى قازاقپارات ءتىلشىسى.

ونىڭ ايتۋىنشا، 2008 -جىلى يسلام بانكتەرىنىڭ قازاقستاندا جۇمىس جاساۋىنا بارلىق قاجەتتى جاعداي جاسالعان. الايدا قازىر قازاقستاندا تولىققاندى تەك 1 يسلام بانكى عانا جۇمىس جاساپ كەلەدى.

«ەكىنشى يسلام بانكى ءبىرىنشى بانككە قوسىلۋ قادامىنىڭ الدىندا تۇر. يسلام بانكى قازاقستاندا ءالى دە كەڭ تاراي قويعان جوقتىعىن كورىپ وتىرمىز. يسلام بانكتەرى اكتيۆتەرىنىڭ ۇلەسى بارلىق بانكتەردىڭ اكتيۆتەرىنىڭ 0,2 پايىزىن عانا الىپ وتىر» ، - دەدى اقىشيەۆ.

باس بانكير مۇنداي كورسەتكىشكە بىرنەشە فاكتور اسەر ەتىپ وتىرعانىن ايتتى.

«بىرىنشىدەن، اقپاراتتىڭ ازدىعى. حالىق بۇل بانكتەردىڭ قانداي قىزمەت ۇسىناتىنىن بىلە بەرمەيدى. ەكىنشىدەن، بۇل بانكتەردىڭ ەل اراسىندا بولىمشەلەرى جوق. سوندىقتان ولارعا كوپ تۇتىنۋشى بارا بەرمەيدى. ۇشىنشىدەن، يسلام بانكى ونىمدەرى پايىزدىق كورسەتكىشتەرى جوق بولسا دا، ءداستۇرلى بانكتەر ۇسىنعان ونىمنەن قىمبات كەلەدى. بۇل جەردە تابىس شاريعات قاعيدالارىمەن ەسەپتەلەدى. بۇل حالىق ءۇشىن قىمباتقا تۇسەدى» ، - دەدى دانيار اقىشيەۆ.

  

اۆتور: گۇلميرا عوسمانالي