عالىمدار اقىلدان الجاسۋدىڭ نەگىزگى سەبەبىن انىقتادى

 استانا. قازاقپارات - الكوگولدى شامادان تىس ءىشۋ سالدارىنان الجۋ قاۋپى ايتارلىقتاي كۇشەيەدى. فرانسيا مەن كانادانىڭ ءبىر توپ عالىمى وسىنداي قورىتىندىعا كەلدى.

زەرتتەۋ ناتيجەسى جايلى ماقالا The Lancet Public Health جۋرنالىنا جاريالانعان. ول تۋرالى lenta.ru جازادى.

عالىمدار فرانسياداعى اۋرۋحانالاردىڭ  57353 ەمدەلۋشىلەردىڭ دەنساۋلىق كورسەتكىشتەرىن ساراپتاعان. ولاردىڭ بارلىعىنا جاڭا باستالعان دەمەنتسيا (اقىلدان الجاسۋدىڭ مەديتسينالىق اتاۋى) دەگەن دياگنوز قويىلعان.

زەرتتەۋشىلەر انىقتاعانداي، بۇل ەمدەلۋشىلەردىڭ % 38,9 ى ىشىمدىككە سالىنعان، ال% 17,6- ى ماسكۇنەمدىك سالدارىنان ءتۇرلى اۋرۋلارعا شالدىققان. وسىلايشا جاڭادان دەمەنتسيا باستالعان ناۋقاستاردىڭ% 56,5 ىنان ىشىمدىك پەن الجۋدىڭ اراسىنداعى تىكەلەي بايلانىس تابىلدى. عالىمدار بۇل قورىتىندى ەرلەرگە دە، ايەلدەرگە دە بىردەي قاتىستى ەكەنىن ايتادى.

اۆتورلار ادامداردىڭ ءسپيرتتى ىشىمدىكتى كوپ ىشۋىنە توسقاۋىل قويۋ كەرەك جانە ماسكۇنەمدىكپەن قازىرگى مەديتسينا ارقىلى كۇرەسۋ قاجەت دەگەن قورىتىندى جاسايدى.

 

Baq.kz