وليمپيادا مەدالى: العاشقى ۇشتىكتە نورۆەگيا، گەرمانيا، كانادا
ال، ازىرگە قازاقستان قۇراماسى فريستايلشى يۋليا گالىشەۆا جەڭىپ العان جالعىز قولا مەدالمەن جالپى ەسەپتە 25- ورىندا تۇر.
بۇگىنگى كۇننىڭ جالپى قورىتىندىسى بويىنشا، كوماندالىق ەسەپتە ءبىرىنشى كەلە جاتقان نورۆەگيا قۇراماسى مەدالدار سانىن 33-كە جەتكىزىپ، كوش تىزگىنىن ەشكىمگە بەرمەي كەلەدى. ولاردىڭ قورجىنىندا 13 التىن، 11 كۇمىس جانە 9 قولا (33) مەدال بولسا، ەكىنشى ورىندا كەلە جاتقان گەرمانيا قورجىنىندا ازىرگە 12 التىن، 7 كۇمىس جانە 5 قولا جالپى (24) مەدال.
ال ۇزدىك ءۇشىنشى ورىندا كەلە جاتقان كانادا سپورتشىلارى 9 التىن، 5 كۇمىس جانە 7 قولا مەدال (21) ەنشىلەدى.
سونىمەن قاتار جالپى ەسەپتە ۇزدىك تورتتىككە نيدەرلاندى ەلىنىڭ سپورتشىلارى يەلىك ەتتى. ولاردىڭ قورجىنىندا 6 التىن، 6 كۇمىس جانە 4 قولا (16) مەدال بولسا، ۇزدىك بەستىكتى تۇيىندەپ تۇرعان ا ق ش قۇراماسىنىڭ ەنشىسىندە 6 التىن، 4 كۇمىس جانە 6 قولا (16) مەدال بار.
ەستەرىڭىزگە سالا كەتەيىك، 9- اقپاندا الاۋى تۇتانعان اق وليميادا ويىندارىنا قازاقستان 57 جولداما جەڭىپ العان بولاتىن. ولار سپورتتىڭ 9 تۇرىنەن ەل نامىسىن قورعاپ جاتىر. ال، جالپى وليمپيادا ويىندارىندا سپورتتىڭ 15 تۇرىنەن 102 مەدال جيىنتىعى ساراپقا سالىنادى. جارىس 25- اقپاندا ءوز مارەسىنە جەتەدى.
كۇنسۇلتان وتارباي