اۋىل شارۋاشىلىعى ماماندىعىن گرانتپەن بىتىرگەندەردى اۋىلدا ەڭبەك ەتۋگە مىندەتتەۋ كەرەك - ا ش م
ق ر ا ش م ءبىرىنشى ۆيتسە- ءمينيسترى ارمان ەۆنيەۆ پارلامەنت سەناتىندا وتكەن دوڭگەلەك ۇستەلدە مينيسترلىك وسىنداي جوسپاردى زەردەلەپ جاتقانىن اتاپ ءوتتى، دەپ حابارلايدى «قازاقپارات» ح ا ا ءتىلشىسى.
«ءبىزدىڭ جۇمىستىڭ اۋقىمدى سالالارىنىڭ ءبىرى - اگرارلىق عىلىم. دەمەك، اگرارلىق عىلىمدى قايتا قوسىپ (پەرەزاگرۋزيت)، الەمدەگى قولجەتىمدى ۇزدىك تەحنولوگيالاردى ەنگىزە وتىرىپ، تىڭ تۇقىمدار مەن سۇرىپتى ويلاپ تابۋ كەرەك. مينيسترلىكتىڭ جۇيەسىندە قازىرگى تاڭدا 3 ۋنيۆەرسيتەت پەن 23 عىلىمي- زەرتتەۋ ينستيتۋتى بار. ولاردىڭ سانى الداعى ۋاقىتتا ەكى ەسەگە قىسقاراتىن بولادى. ياعني، كەلەشەكتە عىلىمنىڭ شىنايى وندىرىستەن ءبولىنىپ قالۋ ماسەلەسىن ەڭسەرۋ قاجەت. جەتەكشىلىك ەتەتىن عىلىمي كادرلار قاتاڭ تۇردە ويلاۋ پروگرەسسيۆتىلىگى مەن وندىرۋشىلەردىڭ باسەكەگە قابىلەتتىلىگىن تالداي ءبىلۋ قاعيداتى بويىنشا تاڭدالادى»، - دەيدى ارمان ەۆنيەۆ.
ۆيتسە- ءمينيستردىڭ ايتۋىنشا، اگرارلىق ج و و- لار زەرتتەۋ مارتەبەسىنە يە بولۋى ءتيىس.
«وسىلايشا، قازاق اگروتەحنيكالىق ۋنيۆەرسيتەتى بارلىق وڭىرلەر ءۇشىن اگروونەركاسىپ كەشەنىن سيفرلاندىرۋ ورتالىعىنا اينالادى. قازۇاۋ (قازاق ۇلتتىق اگروتەحنيكالىق ۋنيۆەرسيتەتى) بازاسىنداعى زەرتتەۋ ينستيتۋتى سۋارمالى جەرلەردىڭ قۇنارلىلىعى، جەمىس شارۋاشىلىعى، كارتوپ ءوندىرۋ، اۋىل شارۋاشىلىعى كووپەراتسيالارى مەن ءسۇت شارۋاشىلىعى سالالارىن زەرتتەيتىن بولادى. ال مال شارۋاشىلىعىنىڭ دامىتۋ سالاسى - باتىس قازاقستان وبلىستىق اگرارلىق تەحنيكالىق ۋنيۆەرسيتەتتىڭ نەگىزگى باسىمدىعى بولماق»، - دەيدى ول.
ارمان ەۆنيەۆ سونىمەن بىرگە، الداعى ۋاقىتتا اۋىل شارۋاشىلىعى ماماندىعىن وقىپ جاتقانداردىڭ سانىن ارتتىرۋ ماڭىزدى ەكەنىن تىلگە تيەك ەتتى.
«مەملەكەتتىك تاپسىرىس اياسىندا اۋىلدىق كۆوتانى 30-دان 70 پايىزعا دەيىن ارتتىرۋ ماڭىزدى. سونىمەن بىرگە، اۋىل شارۋاشىعى ماماندىقتارىنا بولىنەتىن گرانتتاردىڭ 70 پايىزىن اگرارلىق ج و و- لارعا بەرۋ كەرەك. ءبىز سونداي- اق، ورتاشا ارنايى ماماندىقتار بويىنشا اكىمدىكتەردىڭ مەملەكەتتىك تاپسىرىسىن قايتا قاراۋعا ءتيىسپىز. بۇعان قوسا اۋىل شارۋاشىلىعى ماماندىعىن گرانتپەن بىتىرگەندەرگە 3 جىل بويى اۋىلدا جۇمىس ىستەۋدى مىندەتتەگەن ابزال»، - دەپ ءتۇيدى ۆيتسە- مينيستر.
اۆتور: ايان بەكەن ۇلى
