نۇرسۇلتان نازاربايەۆ قاۋىپسىزدىك كەڭەسىنىڭ وتىرىسىن وتكىزدى

 استانا. قازاقپارات - بۇگىن ق ر پرەزيدەنتى نۇرسۇلتان نازاربايەۆتىڭ توراعالىعىمەن قاۋىپسىزدىك كەڭەسىنىڭ وتىرىسى ءوتتى، دەپ حابارلايدى قازاقپارات اقوردانىڭ باسپا ءسوز قىزمەتىنە سىلتەمە جاساپ.

«جاقىندا ءبىز ۇكىمەتتىڭ بىلتىرعى جىلعى ىستەگەن شارۋالارىن بارلىق جاعىنان، بارلىق سالادان تىڭدادىق. ول جۇمىستاردىڭ بارلىعىنا جالپى العاندا وڭ باعا بەردىك. ىستەلىنبەي جاتقان شارۋالاردىڭ بارلىعىنا ءتيىستى تاپسىرمالار بەردىك. ەل بولعاننان كەيىن شارۋالار كوپ بولادى. الدىمىزداعى ماقساتتار كوپ. سەبەبى ءبىزدىڭ قويعان ۇلى ماقساتىمىز وتە ۇلكەن. وركەندەگەن، وسكەن 30 ەلدىڭ اراسىنا كىرۋ ءۇشىن تالاي شارۋا جاساۋىمىز كەرەك» ، - دەدى وتىرىستى اشقان ەلباسى.

قازاقستان پرەزيدەنتى دامىعان ەلدەردىڭ قاتارىنا قوسىلۋ جولىندا بىرنەشە كەدەرگىنىڭ، قيىنشىلىقتاردىڭ، وتكەلدەردىڭ بار ەكەندىگىن باسا ايتتى.

«ونىڭ بارلىعىنان ءوتىپ، باعدارلامالارىمىزعا ءتيىستى وزگەرىستەر ەنگىزىپ وتىرۋىمىز كەرەك. وتكەن جىلى ەلىمىزدىڭ قاۋىپسىزدىگىن قامتاماسىز ەتۋ جونىندەگى باعدارلاما قابىلدادىق. قاۋىپسىزدىك تەك قانا اسكەري قاۋىپسىزدىك، ىشكى ساياسات ەمەس بارلىق جاعىنان بولۋى ءتيىس. بارلىق سالادا جاسايتىن شارۋالار كوپ. سوندىقتان قالاي ورىندالىپ جاتىر دەگەن ماسەلەمەن بۇگىن جۇمىس ىستەيتىن بولامىز. ودان كەيىن وسى سالادا ءبىر وبلىستى ءارقاشان تاڭدايمىز دەدىك. وڭتۇستىك قازاقستان وبلىسىندا جۇرگىزىلىپ جاتقان شارۋانى قاراۋدىڭ ارقاسىندا بارلىق وبلىستارعا نە ىستەۋ كەرەك ەكەندىگى جونىنەن ءتيىستى مالىمەتتەر بەرەمىز» ، - دەدى نۇرسۇلتان نازاربايەۆ.