ءمينيسترىڭ «دارىگەردىڭ قاتەلەسۋگە قۇقىعى بار» دەگەن سوزىنە ۆەدومستۆو تۇسىنىك بەردى

استانا. قازاقپارات - ق ر دەنساۋلىق مينيسترلىگى ۆەدومستۆو باسشىسى ەلجان ءبىرتانوۆتىڭ «دارىگەردىڭ قاتەلەسۋگە قۇقىعى بار» دەگەن سوزىنە بايلانىستى تۇسىنىكتەمە بەردى، - دەپ حابارلايدى «قازاقپارات» ح ا ا ءتىلشىسى.

رەسمي ساۋالعا بەرىلگەن جاۋاپتا دارىگەرلەردىڭ الەۋمەتتىك جاعىنان دا جانە ولارعا قاتىستى سوت شاعىمدارىنان دا قاجەتىنشە قورعالماعانى ايتىلدى.

قازىر قازاقستاندا دارىگەرلەر قاتەلىگىنە قاتىستى ايقىندالعان نەمەسە بەكىتىلگەن ناقتى ولشەمدەر جوق. سونىمەن قاتار دارىگەرلەردىڭ قاتەلىگى زاڭ تۇرعىسىنان ەمەس، مەديتسينالىق تۇرعىدان ءتۇسىندىرىلۋى قاجەت.

زاڭ بويىنشا ابايسىزدا نەمەسە، نەمقۇرايلىلىقپەن قاتەلىككە بوي ۇرعان دارىگەر اكىمشىلىك نەمەسە قىلمىستىق جازاعا تارتىلادى.

وسىعان سايكەس، قازىر مەديتسينا قىزمەتكەرلەرىنىڭ كاسىبي جاۋاپكەرشىلىگىنە قاتىستى ەرىكتى ساقتاندىرۋ مەحانيزمىن دايىنداۋ جۇمىستارى قولعا الىنىپ جاتىر. زاڭ جوباسىنىڭ تۇجىرىمداماسى ۆەدومستۆوارالىق كوميسسيا وتىرىسىندا ماقۇلدانعان.

مەديتسينالىق قىزمەتكەرلەرگە قاتىستى زاڭناماعا دەكريميناليزاتسيا جانە گۋمانيزاتسيا جاساۋ ماماندار تاپشىلىعىنا بايلانىستى جاسالعانى ايتىلدى. وسى رەتتە سوڭعى 5 جىلدا ەلدەگى مەديتسينا ماماندارىنىڭ جەتىسپەۋشىلىگى 32 پايىزعا كەمىسە دە، دارىگەرلەردىڭ جەتىسپەۋشىلىگى انىق بايقالاتىنى ايتىلدى.

وسى رەتتە ۆەدومستۆو دارىگەرلەردىڭ ناۋقاس دەنساۋلىعىنا كەلتىرگەن زيانى ءۇشىن جاۋاپكەرشىلىكتى جەڭىلدەتۋ تۋرالى ۇسىنىس دايىندادى. سونىمەن بىرگە كەيبىر اكىمشىلىك قۇقىقبۇزۋشىلىقتاردىڭ قۇرامىن قايتا قاراۋ جونىندە ۇسىنىس جاسالدى.