بۇرىنعى پرەزيدەنت سوتتالعالى جاتىر

استانا. قازاقپارات - جەمقورلىق بويىنشا ايىپتالعان برازيليانىڭ بۇرىنعا پرەزيدەنتى لۋيس يناسيۋ لۋلا دا سيلۆا سەيسەنبى كۇنى وزىنە قاتىستى شىققان ۇكىمگە شاعىم ءبىلدىردى، دەپ جازادى تاسس.

ونىڭ قورعاۋشىلارى ۇكىمدەگى 5 تەرميندە قاراما-قايشىلىققا اكەلەتىن 16 تۇسىنىكسىز جايتتىڭ بار ەكەندىگەن العا تارتتى. وسىعان بايلانىستى قورعاۋشىلار 24 -قاڭتاردا شىققان ۇكىمنىڭ ەشقانداي كۇشى جوق ەكەندىگىن ايتىپ، ايىپتالۋشىنىڭ اقتالۋىن تالاپ ەتىپ وتىر.

ەگەر ەكىنشى ينستانسيا سوتى شاعىمدى قابىلداماسا، ەكس-پرەزيدەنتتىڭ ءىسى سوتتالۋشىنى قاماۋعا الۋعا رۇقسات بەرەتىن ءبىرىنشى ينستانسيا سوتىنا قايتارىلادى. مۇنداي جاعدايدا لۋلا دا سيلۆا تۇرمەگە قامالعان برازيليانىڭ ەڭ العاشقى ەكس-پرەزيدەنتى بولماق.

لۋلا دا سيلۆا سوتتالعان جاعدايدا فەدەرالدىق سوت ونى 9 جىلدان 12 جىلعا دەيىن جازاعا كەسىپ، سايلاۋعا ءتۇسۋ قۇقىعىنان ايىرا الادى.

بۇرىنعى باسشى قانشا ايىپتالىپ جاتسا دا، ەلدەگى قازان ايىندا وتكەلى جاتقان پرەزيدەنت سايلاۋىنا ۇمىتكەرلەردىڭ العاشقى قاتارىندا تۇر.