ماڭعىستاۋلىقتار قازاقستاننىڭ سولتۇستىگىنە نەگە كوشىپ جاتىر - فوتو

None
None
اقتاۋ. قازاقپارات - ماڭعىستاۋ وبلىسىندا ەلىمىزدىڭ سولتۇستىك وڭىرلەرىنە قونىس اۋدارۋشىلار ءۇشىن 156 كۆوتا ءبولىندى، دەپ حابارلايدى قازاقپارات.

وڭىردە وتكەن جىلى باستالعان «ناتيجەلى جۇمىسپەن قامتۋ جانە جاپپاي كاسىپكەرلىكتى دامىتۋدىڭ 2017-2021 -جىلدارعا ارنالعان باعدارلاماسى» اياسىندا 70 تەن استام ادام وزگە وڭىرلەرگە قونىس اۋدارعان.

بيىل سولتۇستىك وڭىرلەردەگى 27 جۇمىس بەرۋشى ءبىلىم بەرۋ، دەنساۋلىق ساقتاۋ، مەملەكەتتىك باسقارۋ، اۋىلشارۋاشىلىق جانە قۇرىلىس سالالارى بويىنشا 2430 بوس جۇمىس ورنىن ۇسىنىپ وتىر.

اقتاۋدا وسى ماسەلەگە قاتىستى جارمەڭكەنى وبلىس اكىمىنىڭ ورىنباسارى شولپان ىلمۇحانبەتوۆا اشىپ بەردى. ول حالىقتى ەڭبەك كۇشى جەتىسپەيتىن رەسپۋبليكامىزدىڭ سولتۇستىك وڭىرلەرىنە حالىقتى قونىستاندىرۋ وتە ماڭىزدى قادام ەكەنىن اتاپ ءوتتى.

 null

«2017 -جىلى ماڭعىستاۋدان ەلىمىزدىڭ سولتۇستىگىنە 21 وتباسى، ياعني 77 ادام قونىس اۋدارعان. بۇل تۇرعىندار ءازىر جۇمىسپەن جانە تۇرعىن ۇيمەن تولىقتاي قامتىلعان»، - دەيدى وبلىس اكىمىنىڭ ورىنباسارى.

null 

مۇنايلى ەلدىڭ تۇرعىندارىنىڭ كوپشىلىگى سولتۇستىك قازاقستان، قوستاناي، پاۆلودار جانە شىعىس قازاقستانعا كوشكەن. بۇل جوبانىڭ باستى ماقساتى - ەڭبەك كۇشى از ايماقتىڭ سۇرانىسىن قاناعاتتاندىرۋ. ال، ماڭعىستاۋلىقتار بولسا تۇراقتى جۇمىس جانە تۇرعىن ۇيگە قولجەتكىزۋدى قالايدى. اتالعان ءوڭىردىڭ ءتۇرلى مەكەمەلەرى ايماققا كەلىپ، بوس ورىندار جارمەڭكەسىن وتكىزدى. وعان 100-گە جۋىق تۇرعىندار كەلدى.

 null

«پاۆلودار وبلىسى ۋسپەن اۋدانىنان كەلگەن ماماندار ءبىلىم سالاسى بويىنشا 18, دەنساۋلىق بويىنشا 15 جۇمىس ورنىن ۇسىندى. بۇعان دەيىن اۋدانعا مۇنايلىدان 2 وتباسى قونىس اۋداردى. ولارعا ءۇي ساتىپ الىپ بەرىلدى»، - دەيدى پاۆلودار وبلىسى ۋسپەن اۋدانى اكىمىنىڭ ورىنباسارى ەلميرا دۇيسەپوۆا.

 null

ونىڭ ايتۋىنا قاراعاندا، اۋىلشارۋاشىلىعى سالاسىندا كاسىبىن اشامىن دەۋشىلەرگە جەر بەرىلىپ، مال الۋعا كومەك كورسەتىلەتىن بولادى.

 ايگەرىم اشىقبايەۆا

سوڭعى جاڭالىقتار