استانا ەمحانالارىندا باحيلدەر تەگىن بەرىلەدى

استانا. قازاقپارات - استانادا مەديتسينالىق مەكەمەلەردە باحيل بەرۋدى رەتتەيتىن بىرەگەي قاعيدالار ازىرلەنىپ جاتىر. بۇل تۋرالى قالالىق دەنساۋلىق ساقتاۋ باسقارماسىنىڭ باسشىسى كامالجان نادىروۆ ءمالىم ەتتى،

 دەپ حابارلايدى قازاقپارات ءتىلشىسى.

استانا اكىمىنىڭ ورىنباسارى ەرمەك امانشايەۆتىڭ حالىققا ەسەپ بەرۋ كەزدەسۋىندە تۇرعىندار كەي ەمحانالاردىڭ باحيلدى تەگىن بەرەتىنىن، ال ءبىرقاتار ەمحانالاردىڭ اقشاعا ساتاتىنىن ايتىپ، شاعىمداندى.

«وتە دۇرىس سۇراق. سوڭعى ۋاقىتتا وسى سۇراق ءجيى قويىلىپ ءجۇر. انىعىندا ەمحانالاردا بۇل قىزمەتتىڭ تەگىن نەمەسە اقىلى بولۋىن رەتتەيتىن ناقتى قاعيدا جوق. سول سەبەپتى، قازىر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس- قيمىل اگەنتتىگىمەن بىرلەسىپ، بارلىق مەديتسينالىق ۇيىمدارعا ارنالعان ستاندارتتاردى ناقتىلاۋ مەن جۇيەلەۋ بويىنشا اۋقىمدى جۇمىس اتقارۋدامىز. جاقىن ارادا بۇل ماسەلەنى تۇبەيگەيلى شەشىپ، باحيلدەر تەك قانا تەگىن بەرىلەدى دەگەن ويلامىن»، - دەپ جاۋاپ بەردى كامالجان نادىروۆ.

اۆتور: ايجان سەرىكجان قىزى