مىرزاتاي جولداسبەكوۆ لاتىن الىپبيىنە قاتىستى: كوپ بولىپ اقىلداسقان ءىستىڭ ءتۇبى باياندى

استانا. قازاقپارات - «لاتىن الىپبيىنە كوشەتىن ۋاقىت كەلدى، دەگەن پىكىر ءبىلدىردى بۇگىن ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا مەملەكەت جانە قوعام قايراتكەرى مىرزاتاي جولداسبەكوۆ.

«الدىمەن قازاق تىلىنە نەگىزدەلگەن لاتىن ءالىپبيى پارلامەنتتىڭ تورىندە تالقىلاندى. ونى جۇرت قولدادى. كوپ بولىپ اقىلداسقان ءىستىڭ ءتۇبى باياندى. دەگەنمەن، ونىڭ دا كوپتەگەن كەمشىلىگى بولعان ەدى. حالىق ونى دەموكراتيالىق ۇردىسپەن كەڭىنەن تالقىلادى. سودان ماماندار ءالىپبيدى قايتادان قارادى»، - دەدى ول.

 مىرزاتاي جولداسبەكوۆ قازاق ءتىلىنىڭ مامانى بولعانىمەن بۇل ىسپەن ءومىر بويى اينالىسپاعاندىعىن اتاپ ءوتتى.

 «بۇل الىپبيمەن قازاق ءتىلىنىڭ ماماندارى اينالىسۋى كەرەك. بۇل ماماندار شەشەتىن ماسەلە. ەلباسى مۇمكىندىك جاساپ، حالىقپەن تالقىلادى. ناتيجەسىندە وتكەن جىلدىڭ قازانىندا بۇل ءالىپبي بەكىتىلدى. دەگەنمەن ونىڭ دا كەمشىلىكتەرى بولدى. نوقاتى كوبەيىپ كەتتى. ءتىپتى كەيدە ءبىر ءسوزدىڭ وزىندە 7 نوقات پايدا بولدى. بۇل ماسەلە تالقىلاندى. ماماندار ماسەلەگە ارالاسىپ، كەشە عانا ەلباسىنىڭ 2017 -جىلى 26 - قازاندا شىققان جارلىعىنا قوسىمشا جارلىق جاريالاندى. حالقىمىزدىڭ ۇستاناتىن لاتىن گرافيكاسىنا نەگىزدەلگەن قازاق ءتىلى ءالىپبيى پايدا بولدى»، - دەدى قوعام قايراتكەرى.

اۆتور: مارلان جيەمباي