ۇلى دالا پيراميداسى
پيراميدا جايلى العاش 2014 -جىلى بەلگىلى بولعانىمەن، ونى قالپىنا كەلتىرۋ جۇمىستارى 2017 -جىلى اياقتالدى. كەشەن ىشىنەن شىققان پىشاق، ينە، ساقينا، ىدىس بولشەكتەرى، كەراميكا سەكىلدى كوپتەگەن زاتتار قاراعاندى قالاسىنداعى ولكەتانۋ مۋزەيىنە قويىلعان. پيراميدانى تاپقان ە. بۋكەتوۆ اتىنداعى قاراعاندى مەملەكەتتىك ۋنيۆەرسيتەتىنىڭ ارحەولوگى يگور كۋكۋشكيننىڭ ايتۋىنشا، «بۇل جەردە ءىرى مەملەكەت قايراتكەرى نەمەسە رۋ كوسەمى جەرلەنگەن بولۋى مۇمكىن. پيراميدا شامامەن 3000 جىل بۇرىن سالىنعان» .
ونىڭ اينالاسىندا كولەمى شاعىن تاعى بىرنەشە قورىم بار. ەڭ قىزىعى عيمارات فورماسى سولتۇستىك امەريكا ۇندىستەرىنىڭ پيرامدالارىنا وتە ۇقساس. قازاقستان مەن ورتالىق ازيا ايماعىندا ءپىشىنى ءدال وسىنداي پيراميدا بۇرىن كەزدەسپەگەن. عىلىمي ورتادا بۇعان دەيىن قالىپتاسقان پىكىر بويىنشا بەعازى- داندىباي مادەنيەتىنىڭ ءىرى ەسكەرتكىشتەرى (بەعازى، ايباز- داراسى، بۇعىلى، ساندىرۋ ەسكەرتكىشتەرى) تۇگەل اشىلدى دەپ سانالاتىن. ال بۇل جاڭالىق سول پىكىردى تەرىسكە شىعارماسا دا، اتالعان داۋىرگە ءتان ءىرى كەشەندەردىڭ ءالى دە تابىلۋى مۇمكىن ەكەنىن كورسەتەدى. بۇل پيراميدا قاراعاندى وبلىسى شەت اۋدانى تالدى اۋىلىنىڭ ماڭىنداعى قاراجارتاس دەگەن جەردە تالدى وزەنىنىڭ جاعاسىندا تۇر.
دەرەككوز: nationalgeographic.kz
