باس پروكۋراتۋرا ەلدىڭ وڭتۇستىگىندەگى اۋقىمدى وپەراتسيانىڭ ءمان- جايىن ايتتى
«قازىرگى تاڭدا 35 كۇدىكتى، اتاپ ايتقاندا كەدەن ورگانىنىڭ، شەكارا قىزمەتىنىڭ لاۋازىمدى تۇلعالارى، بروكەرلەر، دەلدالدار، سونداي- اق ۇيىمداسقان قىلمىستىق توپ مۇشەلەرى ۇستالدى. قىرعىزستاننىڭ ءۇش ازاماتى بار. سوتتىڭ سانكسياسىمەن 33 كۇدىكتى قاماۋعا الىندى. ارنايى وپەراتسيا الدىندا ءبىراز ۋاقىت تەكسەرۋ جۇرگىزىلدى»، - دەدى باس پروكۋراتۋرانىڭ رەسمي وكىلى وكسانا لوسكۋتوۆا.
ونىڭ ايتۋىنشا، ارنايى شارا بارىسىندا مەملەكەتتىك شەكارانىڭ قازاقستان- قىتاي ايماعىندا ورنالاسقان التىنكول، قالجات جانە قورعاس كەدەن بەكەتتەرى، قازاقستان- قىرعىزستان ايماعىندا ورنالاسقان قورداي مەن قاراسۋ بەكەتتەرى مەن قازاقستان- وزبەكستاننىڭ سارى اعاش، قازىعۇرت، اتامەكەن، قاپلانبەك شەكارا ايماقتارى ارقىلى تاۋارلاردى كونتراباندالىق جولمەن تاسىمالداۋ انىقتالعان.
«اتاپ ايتقاندا، قازاقستانعا كونتراباندالىق تاۋارلار قىتايدان تىكەلەي، سونداي- اق قىرعىزستان ارقىلى كەدەندىك اكىمشىلەۋدىڭ كولەڭكەلى سىزباسىن، جالعان قۇجاتتاردى جانە مولشەرىن از كورسەتە وتىرىپ اكەلىنگەن. كۇدىكتىلەرگە كەدەندىك راسىمدەۋ جانە جۇكتى الىپ ءجۇرۋدى قامتاماسىز ەتەتىن كەدەندىك ورگاندار مەن شەكارا قىزمەتىنىڭ كەيبىر لاۋازىمدى تۇلعالارى كومەك كورسەتكەن. تاۋارلار قازاقستاننىڭ ءىرى قالالارى مەن رەسەيگە جولدانىپ وتىرعان. مەملەكەتتىك شەكارانىڭ قازاقستان- وزبەكستان ايماعىندا بەكەتتەر ارقىلى تاۋارلاردى وتكىزۋدى جىلدامداتۋ ءۇشىن كەدەن قىزمەتكەرلەرى پارا الىپ وتىرعان. كونتراباندالىق ءىس- ارەكەتكە قاتىستى تۇلعالار ءىرى كولەمدە اقشالاي سىياقى بەرىپ ارنايى جانە قۇقىق قورعاۋ ورگاندارى تارابىنان «قامقورلىق» كورۋگە ارەكەتتەنگەن»، - دەدى ول.
رەسمي وكىلدىڭ دەرەگىنشە، جۇرگىزىلگەن ءىس- شارالار بارىسىندا بارلىعى 8 ۇيىمداسقان قىلمىستىق توپتىڭ زاڭسىز ءىس- ارەكەتتەرىنە توسقاۋىل قويىلدى. اتالعان دەرەكتەر بويىنشا ەكونوميكالىق كونتراباندا، ۇيىمداسقان توپ، قىلمىستىق ۇيىم مەن ترانسۇلتتىق ۇيىمداسقان توپ قۇرۋ جانە ولارعا باسشىلىق ەتۋ، سول سياقتى ولارعا قاتىسۋ جانە پاراقورلىق فاكتىلەرى بويىنشا سوتقا دەيىنگى تەرگەپ- تەكسەرۋ باستالدى.
«سوت سانكسياسى نەگىزىندە 76 ءتىنتۋ جۇرگىزىلىپ، نايجەسىندە ەداۋىر سومادا ۇلتتىق جانە شەتەل ۆاليۋتاسىندا اقشالاي قاراجاتتار، زەرگەرلىك بۇيىمدار، قۇقىق بەرەتىن جانە بۋحالتەرلىك قۇجاتتار، كەدەندىك دەكلاراتسيالار الىندى. كونتراباندالىق جۇكتەر تيەلگەن ەكى اۆتوكوىلك ۇستالدى. اقشا قاراجاتتارى مەن باسقا دا ماتەريالدىق قۇندى زاتتاردىڭ شىعۋ كوزدەرى سوتقا دەيىنگى تەرگەپ- تەكسەرۋ بارىسىندا تەكسەرىلدى. سوتقا دەيىنگى تەرگەپ- تەكسەرۋ ۆەدومستۆوارالىق تەرگەۋ جەدەل توبىمەن جۇرگىزىلۋدە. قىلمىستىق ءىس باس پروكۋروردىڭ باقىلاۋىنا الىندى»، - دەدى لوسكۋتوۆا.
اۆتور: مارلان جيەمباي
