مينيسترلىكتەر ءۇيى ماڭىنان تابىلعان سومكە استانالىقتاردى ابىگەرگە سالدى

None
None
استانا. قازاقپارات - ەلوردادا قونايەۆ پەن ماڭگىلىك ەل كوشەلەرىنىڭ قيىلىسى يەسىز ايەل سومكەسىنىڭ تابىلۋىنا بايلانىستى پوليتسيا قىزمەتكەرلەرىمەن قورشاۋعا الىندى،

دەپ حابارلايدى قازاقپارات استانا قالالىق ءى ءى د باسپا ءسوز قىزمەتىنە سىلتەمە جاساپ.

«ساعات 13-50-دە قونايەۆ پەن ماڭگىلىك ەل كوشەلەرىنىڭ قيىلىسىنا تاياۋ جەردەگى كولىك تۇراعىنان يەسىز ايەل سومكەسى تابىلعاندىعى تۋرالى اقپارات ءتۇستى. وسىدان كەيىن وقيعا ورنىنا پوليتسيا قىزمەتكەرلەرى شۇعىل اتتاندى. تەكسەرۋ بارىسىندا كۇدىكتى زات تابىلمادى. ەسكى ايەل سومكەسىنىڭ ىشىندە دە قاعاز قوقىس قانا بولعان»، - دەدى دەپارتامەنتتىڭ باسپا ءسوز حاتشىسى سوفيا قىلىشبەكوۆا.

ونىڭ سوزىنە قاراعاندا، ساعات 14,24-تە كوشە قيىلىسىنداعى جاياۋ جۇرگىنشىلەرگە ەنگىزىلگەن شەكتەۋ الىنعان.

اۆتور: مارلان جيەمباي

سوڭعى جاڭالىقتار