تۇماۋدى ءبىر كۇندە ەمدەيتىن ءدارى شىقتى
ونىڭ ءبىر دوزاسى تۇماۋدى ءبىر كۇندە ەمدەيدى. ءدارى ءالى ساتىلىمعا شىقپادى. ءبىراق كلينيكالىق ساراپتامادا تيىمدىلىگى دالەلدەندى. بۇل تۋرالى Science Alert باسىلىمى جازادى، دەپ حابارلايدى baq.kz اقپارات اگەنتتىگى lenta.ru سايتىنا سىلتەمە جاساپ.
ساراپتاماعا تۇماۋمەن اۋىرىپ جۇرگەن 1436 ادام قاتىستى. ماماندار ولارعا CAPSTONE-1 دەپ اتالاتىن ەكىلىك راندوميزيرلەنگەن پلاتسەبو-باقىلايتىن سىناق جۇرگىزدى.
قاتىسۋشىلار ءۇش توپقا ءبولىندى. ولاردىڭ بىرەۋىندەگى ەمدەلۋشىلەر ءبىر رەت 40-80 ميلليگرامم بالوكساۆير- ماربوكسيل ءىشتى، ەكىنشى توپتاعىلار وسەلتاميۆيردىڭ 75 ميلليگرامىن بەس كۇن بويى جانە ءۇشىنشىسى پلاتسەبو (باقىلاۋ توبى) قابىلدادى.
ناتيجەسىندە ءبىرىنشى توپتىڭ تۇماۋى ەكىنشى توپقا قاراعاندا الدەقايدا باسىلعانى انىقتالدى. ونىڭ ۇستىنە، ولارعا ۆيرۋستى جويۋ ءۇشىن تەك 24 ساعات جەتكىلىكتى بولدى. ال، وسەلتاميۆيردى 72 ساعات، پلاتسەبونى 96 ساعات ىشكەننەن كەيىن تۇماۋ جازىلدى. سونىمەن قاتار، جاڭا دارىمەن ەمدەۋ تۇماۋدىڭ اسقىنىپ كەتۋىنە جول بەرمەدى.
ەندى Shionogi كومپانياسى بالوكساۆير-ماربوكسيلدى ساتۋعا ءوتىنىمدى بيىل بەرەدى. 2019 -جىلى ءدارىنى ساتىپ الۋعا بولادى دەگەن بولجام بار.
