عالىمدار الەۋمەتتىك جەلىلەردىڭ ادامدارعا اسەرىن انىقتادى

استانا. قازاقپارات - ا ق ش-تاعى كانزاس ۋنيۆەرسيتەتىنىڭ عالىمدارى الەۋمەتتىك جەلىلەردىڭ ادامداردىڭ ارا-قاتىناسىنا اسەر ەتپەيتىنىن انىقتادى.

زەرتتەۋ ناتيجەسى Information, Communication جانە Society عىلىمي جۋرنالىندا جاريالاندى.

عالىمدار ەكى تاجىريبە جۇرگىزگەن. بىرىنشىسىندە ولار 2009 جانە 2011 -جىلدار ارالىعىنداعى جاستاردىڭ ارەكەتى جونىندەگى مالىمەتتەرگە تالداۋ جۇرگىزگەن. انىقتالعانداي، اتالعان ەكى ۋاقىت ىشىندە الەۋمەتتىك جەلىلەردىڭ دامۋى جاستاردىڭ جۇزبە-ءجۇز ارالاسۋعا جۇمساعان ۋاقىتىنا اسەر ەتپەگەن.

ال 2015 -جىلى جۇرگىزىلگەن ەكىنشى زەرتتەۋگە 116 ادام قاتىستى. قاتىسۋشىلاردىڭ جارتىسى ستۋدەنتتەر بولسا، قالعانى ۋنيۆەرسيتەتتەگى ءبىلىمىن ءتامامداعان ەرەسەكتەر بولعان. زەرتتەۋشىلەر ولاردان كۇندەلىكتى قارىم-قاتىناسى مەن الەۋمەتتىك جەلىنى قانشالىقتى كوپ قولدانعانىن سۇراپ وتىرعان. انىقتالعانداي، الەۋمەتتىك جەلىدەگى «ۆيرتۋالدى» دوستارمەن سويلەسۋ قاتىسۋشىلاردىڭ تۋىستارى، جاقىندارى جانە دوستارىمەن ارالاسۋىنا ىقپالى بولماعان.

 

Stan.kz