اقبوتا سەيىتماعامبەت: بىرەۋگە توقال بول دەپ ايتا المايمىن
اقبوتا سەيىتماعامبەت «استانا» ارناسىنىڭ «ەل اۋزىندا» باعدارلاماسىندا توقال ماسەلەسى تۋرالى ءوز كوزقاراسىن اشىق ايتتى.
«قازىرگى ۋاقىتتا مەن عانا توقال بولىپ جاتقان جوقپىن. بىرەۋگە توقال بول، ەكىنشى ايەل بول دەپ ايتا المايمىن. بۇل جات قىلىق. دۇرىس ەمەس. باسقا دا ادامداردىڭ باسىنان نەشە ءتۇرلى جاعدايلار ءوتىپ جاتىر. مىسالى، بىرەۋلەردىڭ جاعدايى جوق. بىرەۋلەرى زورلانعان، بالاسىن تاستاپ كەتكەن، ايەلى كۇيەۋىن نەمەسە كۇيەۋى ايەلىن ولتىرگەن. باسقالاردىڭ دا باسىنان ءوتىپ جاتقان وقيعا كوپ. نەگە مەنىڭ عانا ءومىرىم قىزىق بولادى؟ تۇسىنەمىن، ەلدىڭ الدىندا جۇرگەن سوڭ، بارلىعىنا قىزىقتى» ، - دەيدى ءانشى.
باستاپقىدا اقبوتا جەكە ءومىرىن قۇپيا ۇستاعىسى كەلگەن. ءانشىنىڭ ايتۋىنشا، داۋرەن ەكەۋىنىڭ قارىم- قاتىناسى جايلى كوپشىلىككە تاراپ كەتۋىنە اكتەردىڭ جۇبايى سەبەپ بولىپتى.
«ەندى ءبىر كىسىلەردىڭ ارقاسىندا باسىمداعا جاعداي بۇكىل ەلگە تاراپ كەتتى. باسىندا مەنىڭ ءومىرىم ەشكىمگە قىزىق بولماعان. ءبىر كىسىلەر بۇكىل حالىققا جايدى. داتتاعىسى، قارالاعىسى كەلدى» ، - دەيدى ول.
سونداي- اق، ءانشى جۇكتىلىك كەزىندە جالعىز بولعانىنى دا ايتىپ قالدى.
«جۇكتىلىك كەزىندە جالعىز بولدىم. ول جاعدايدى ىشتەگى سابيىممەن جالعىز ءوزىم كەشتىم. كەي كەزدە تۋىستارىم، جالعىز باۋىرىم كەلىپ، كومەكتەسىپ تۇردى. ول ءوزىنىڭ ماعان قامقور ەكەنىن كورسەتتى» ، - دەيدى ءانشى.
ءانشىنىڭ ومىرىنە وكپەسى بولسا دا، وزەگىن ورتەيتىن وكىنىشى جوق. سەبەبى جىلاسام ءالسىز بولىپ كورىنەمىن دەپ قورقادى.
«وكىنەمىن- اۋ، قايعىرامىن عوي، وسى ارەكەتىم دۇرىس بولمادى دەگەن وي بولعان جوق. سەبەبى ماعان اللا ۇل سىيلادى عوي. نەگە مەن وكىنۋىم كەرەك؟ مەن كەرىسىنشە، ۇلىمدى ءارى قاراي ءوسىرۋىم كەرەك. قايعىرىپ، ءومىر بويى وكىنىپ وتەتىن ادام ەمەسپىن» ، - دەيدى اقبوتا سەيىتماعامبەت.
