تانىمال ءانشى جولىندا كەزدەسكەن ادامدارعا ميلليون دوللار تاراتىپ بەردى - فوتو
بۇل تۋرالى Tjournal باسىلىمىنا سىلتەمە جاساپ Stan.kz حابارلايدى.
مۋزىكانت ادامداردىڭ دۇكەندە ساتىپ العان زاتتارىنىڭ اقشاسىن تولەپ بەرىپ، بىرنەشە وتباسىعا جاڭا اۆتوكولىك سىيلاپ، ستۋدەنتتە، مەكتەپتەر مەن ءورت سوندىرۋشىلەرگە قارجىلىق تۇرعىدان كومەكتەستى. سونداي- اق، كوشەدە كەزدەسكەن مۇقتاج جاندارعا اقشا تاراتىپ بەردى.
«ءبىز بارلىق اقشانى تاراتتىق. لەيبلگە ايتپاڭىزدار» ، - دەلىنەدى بەينەبايان باسىندا.
ال 31 جاستاعى رەپ ورىنداۋشىسى ءوزىنىڭ Instagram پاراقشاسىندا بۇل اكسيانى «ومىرىمدەگى ەڭ ماڭىزدى ءىس» دەپ اتادى.
ءوز كەزەگىندە جەلى قولدانۋشىلارى رەپ ورىنداۋشىسىنىڭ ارەكەتىنە ءتانتى بولىپ، العىس ايتىپ جاتتى.
ايتا كەتسەك، 2017 -جىلى Forbes جۋرنالى ءانشىنى الەم بويىنشا ەڭ كوپ اقشا تولەنەتىن مۋزىكانتتار قاتارىنا قوسقان ەدى. ءانشىنىڭ تابىسى 94 ميلليون دوللاردى قۇراعان.
