ەلباسى ءوزىن قانداي ويلار مازالاپ جۇرگەنىن ايتتى

استانا. قازاقپارات - ەلباسى حالىقتىڭ ءومىرىن تاعى قالاي جاقسارتسام ەكەن دەگەن ويمەن ءجۇر.

پرەزيدەنت نۇرسۇلتان نازاربايەۆ مەملەكەت باسشىسى قىزمەتىنىڭ جاسىرىن جاعى تۋرالى اڭگىمەلەدى. اتاپ ايتقاندا، ەلباسى ادامداردىڭ باقىتتى ەكەنىن بىلۋگە باعىتتالعان بريتاندىق زەرتتەۋ تۋرالى ايتتى. ول ساۋالناماعا مىڭداعان ادام قاتىسقان.

«ءبىرىنشى ورىنعا بالا، دوستىق، سونداي-اق وتباسى مەن جۇمىس قويىلدى. ياعني، وتباسى ۇلكەن ماڭىزعا يە. بالالارىڭمەن كورىسۋ ماڭىزدى، ءبىراق وعان كوپ ۋاقىت بولا بەرمەيدى. ءبىز سول وتباسىنا ۋاقىتى جەتپەيتىن ادامدارمىز»، - دەدى نازاربايەۆ CCTV قىتاي تەلەارناسىنا بەرگەن سۇحباتىندا.

بۇل تۋرالى Sputnik قازاقستان-عا سىلتەپ، Stan.kz حابارلايدى.

ساياساتكەردىڭ پىكىرىنشە، ادامدار ادەتتە پرەزيدەنتتىڭ سىرتقى ساياساتىن ياعني، ءىسساپارلار مەن كەزدەسۋلەردى عانا كورەدى. ءىس جۇزىندە بۇل مەملەكەت باسشىسى مىندەتىنىڭ ءبىر عانا بولىگى.

«كۇندە حالقىڭا جاقسىلىق جاساۋ ءۇشىن تاعى نە ىستەۋ كەرەك دەگەن ويمەن ەموتسيونالدى جانە فيزيكالىق مىندەتتەر جۇكتەيسىڭ. باسقالار سەنىڭ ەلىڭدى قۇرمەتتەۋ ءۇشىن تاعى نە ىستەۋ كەرەك؟ حالىقتىڭ ءومىر ءسۇرۋ دەڭگەيىن قالاي جاقسارتۋعا بولادى؟ ولاردىڭ ءومىرىن قالاي جەڭىل جەڭىلدەتۋگە بولادى؟ وسى ويلار ۇنەمى ەڭبەكتەنۋدى تالاپ ەتىپ، مازا بەرمەيدى» -  دەدى نۇرسۇلتان نازاربايەۆ.

پرەزيدەنت بۇل پروتسەسستىڭ شىعارماشىلىققا ۇقساس ەكەنىن اتاپ ءوتتى.

قازاقستان پرەزيدەنتى وسى اپتانىڭ باسىندا CCTV ارناسىنا سۇحبات بەردى. ەلباسىنىڭ بەرگەن سۇحباتى جۇما كۇنى كەشكە «حابار» تەلەارناسىندا كورسەتىلدى.