تويدا ارنايى جاساق مەيرامحاناعا باسىپ كىرىپ، قوناقتاردى «تۇتقىنداعان» ۆيدەو جەلىدە تاراپ كەتتى - ۆيدەو
تويلاردىڭ بىرىندە ەرەكشە قويىلىم قويىلىپى، «ارنايى جاساق» مەيرامحاناداعى قوناقتاردى تۇتقىندادى.
ۆيدەو كادرلارىنان تويدىڭ ورتاسىندا ەر ادامنىڭ «جول پوليتسياسىمەن» ەرەگىسىپ قالعانىن كورۋگە بولادى. وسى كەزدە پوليتسەي ارىپتەستەرىن كومەككە شاقىرىپ، مەيرامحاناعا «ارنايى جاساق» باسىپ كىرەدى. ولار ەر ادامدى ۇستاپ الىپ، زالدىڭ ورتاسىنا سۇيرەيدى. مۇنان كەيىن كوڭىلدى اۋەن قويىلىپ، «ارنايى جاساق» بيلەي جونەلەدى.
قويىلىم بارىسىندا توي قوناقتارىنىڭ سابىر ساقتاعانىنا قاراعاندا، ولارعا «ارنايى جاساق» تۋرالى الدىن-الا ەسكەرتىلگەن بولۋى مۇمكىن. بالكىم، اكتەرلەردىڭ ويىنىنا تاڭدانباعان بولار.
«قازاق تويلارىنداعى ەرەكشەلىك پەن باسەكەلەستىك تۋرالى ايتارعا ءسوز جوق»، «جاقىندا ەش ماقتانىشسىز وتكەن توي ەرەكشە سانالاتىن شىعار. وسى ەرەكشە سياقتى»، «شىناي ەمەس. العاشقى ساتتەن-اق قويىلىم ەكەنى ءبىلىنىپ قالدى»، - دەپ جازدى جەلى قولدانۋشىلارى.
Креативность на казахстанских тоях просто зашкаливает)) @almaty_dtp
