حالىقتى جۇمىسپەن قامتۋ تۋرالى زاڭ جوباسى سىنعا ۇشىرادى
ونىڭ پىكىرىنشە، ازىرلەنگەن زاڭ جوباسى جۇمىسقا ورنالاسۋ ماسەلەلەرىن تۇبەگەيلى شەشپەيدى.
«بۇل نۇسقا ەسەپ پەن مونيتورينگتەن عانا قۇرالعان، وندا جۇمىسقا ورنالاسقىسى كەلەتىندەردىڭ جۇمىس تاۋىپ كەتە الۋىنا جەتكىلىكتى ستيمۋل جوق. قازىر جاڭا جۇمىس ورىندارى بويىنشا جاعدايدى ءادىل باعالاپ، سيفرلاندىرۋ تالاپتارى مەن د س ۇ سايكەس وزگەرىستەردى ەسكەرىپ، جۇمىسپەن قامتۋ تۋرالى زاڭدى پارلامەنتتەن كەرى قايتارىپ الۋ كەرەك. بۇل رەداكسياداعى زاڭ ءبىزدىڭ الدىمىزعا پرەزيدەنت قويعان سۇراقتارعا جاۋاپ بەرە المايدى»، - دەدى ن. رادوستوۆەتس مينيسترلىك القاسىنىڭ كەڭەيتىلگەن وتىرىسىندا.
ول قازمىرىش، قازاقمىس، ERG سىندى تاۋ- مەتاللۋرگيالىق كومپانيالاردا سيفرلاندىرۋدىڭ باستالىپ كەتكەنىن ايتتى. وسىعان بايلانىستى ءبىراز ادام جۇمىسىنان ايىرىلۋى مۇمكىن. ەگەر كومپانيالار كاسىپوداقپەن جانە مينيسترلىكپەن بىرلەسىپ، ءدال وسى قىسقارتۋلارعا دايىندالىپ جاتسا، ءوزىن-ءوزى جۇمىسپەن قامتىعانداردىڭ تيىمدىلىگى از توبى ماسەلەسى وزەكتى كۇيىندە قالادى.
ءوز كەزەگىندە مينيسترلىك لاۋازىمىنا جاڭادان تاعايىندالعان ءمادينا ءابىلقاسىموۆا ايتىلعان ۇسىنىستاردىڭ ەسكەرىلەتىنىن جەتكىزدى.
«قازىر پارلامەنتتە جاتقان حالىقتى جۇمىسپەن قامتۋ تۋرالى زاڭ جوباسى كوشى-قون سالاسىنداعى قۇزىرەتتەردى ءبولۋ مەن جەكە جۇمىسپەن قامتۋ اگەنتتىكتەرىنىڭ قىزمەتىنە كومەكتەسۋ بويىنشا جەكەلەگەن قىزمەت ماسەلەلەرىن شەشۋگە باعىتتالعان. تەز ارادا ەنگىزىلۋى ءتيىس باسقا دا ماسەلەلەردى شەشۋ ءۇشىن وسى جىلدىڭ ءبىرىنشى توقسانىنىڭ سوڭىنا دەيىن قابىلداۋ جوسپارلانىپ وتىر. ارينە، ءبىزدىڭ سالاعا قاتىستى ۇسىنىستاردىڭ بارلىعىن ەسكەرەتىن بولامىز»، - دەپ جاۋاپ بەردى ول.
