قازاقستاندا پاتەر باعاسى ارزان قالالار انىقتالدى

None
None
 استانا. قازاقپارات - رەيتينگكە تاراز، سەمەي جانە اقتوبە قالالارى كىردى. 2018 -جىلدىڭ قاڭتار ايىندا تۇرعىن ءۇيدىڭ ەڭ تومەنگى يندەكسى بار قالالاردىڭ رەيتينگىن تاراز قالاسى باستاپ تۇر.

بەسىنشى ورىندا شىعىس قازاقستان وبلىسىنىڭ ورتالىعى - وسكەمەن قالاسى تۇر. krisha.kz مالىمەتىنە سۇيەنسەك، پاتەردىڭ شارشى مەترى ورتاشا ەسەپپەن العاندا 165,4 مىڭ تەڭگەگە، ياعني الماتى مەن استانا قالالارىنا قاراعاندا ەكى ەسە ارزان باعالانعان. سايكەسىنشە، 40 شارشى مەترلى پاتەردىڭ باعاسى ورتاشا ەسەپپەن 6,6 ميلليون تەڭگە تۇرادى، ال اۋماعى 80 شارشى مەتردى قۇرايتىن ءۇش بولمەلى پاتەر باعاسى الماتى مەن استاناداعى شاعىن كولەمدى ءبىر بولمەلى پاتەرىنىڭ باعاسىمەن تەڭ (13,2 ميلليون تەڭگە) .

وسكەمەننەن پاتەر ىزدەگەن الەۋمەتتىك جەلى قولدانۋشىلارى كوبىنەسە 5-6 ميلليون تەڭگەلىك پاتەر ىزدەۋمەن شەكتەلگەن. سونداي- اق، سايتتا وسى كاتەگورياعا جاتاتىن نۇسقالار كوپ بولعان.

رەيتينگ بويىنشا پاتەر باعاسىنىڭ ارزاندىعى بويىنشا ءتورتىنشى كەزەكتە شىعىس قازاقستان وبلىسىنداعى سەمەي قالاسى تۇر. ول جاقتاعى پاتەردىڭ ءار شارشى مەترى 160,4 ميلليون تەڭگەگە باعالانعان، ال 80 شارشى مەترلى كەڭىرەك پاتەرلەردىڭ باعاسى ورتاشا ەسەپپەن 12,8 ميلليون بولىپ تۇر.

ءۇشىنشى ورىندا - پاۆلودار قالاسى. بۇل قالادا باسپانانىڭ شارشى مەترى سەمەيمەن تەڭەسىپ قالادى. ءۇي باعاسى - 159,5 مىڭ تەڭگە.

ەكىنشى ورىندا - پاتەردىڭ ءار شارشى مەترى 155 مىڭ تەڭگەگە باعالانعان اقتوبە قالاسى.

ەڭ ارزان باعا تاراز قالاسىندا. ول جاقتاعى پاتەرلەردىڭ شارشى مەترى ورتاشا ەسەپپەن 151,9 مىڭ تەڭگە تۇرادى.

Baq.kz

سوڭعى جاڭالىقتار