پحەنچحان وليمپياداسىندا قانداي ەلدەر كوش باستاپ كەلەدى

پحەنچحان. قازاقپارات - وڭتۇستىك كورەيادا ءوتىپ جاتقان وليمپيادا ويىندارىنىڭ جەتىنشى جارىس كۇنىنىڭ ناتيجەسى بويىنشا قازاقستان جالپى ەسەپتە 20- ورىندا كەلەدى، دەپ حابارلايدى قازاقپارات ءتىلشىسى.

ازىرگە قازاقستان قۇراماسىندا فريستايلشى يۋليا گالىشيەۆا جەڭىپ العان جالعىز قولا مەدالدان باسقا جۇلدە جوق.

 وسى ۋاقىتتاعى كورسەتكىش بويىنشا، جالپى ەسەپتە ءبىرىنشى ورىنعا گەرمانيا قۇراماسى ورنالاسىپ وتىر. ولار 9 التىن، 2 كۇمىس جانە 4 قولا مەدالمەن وزگە قارسىلاستارىنان وق بويى وزىپ تۇر.

 سونداي- اق بۇگىن ەكىنشى ورىنعا نورۆەگيا ەلىنىڭ قۇراماسى كوتەرىلدى. ولاردىڭ ەنشىسىندە ازىرگە 6 التىن، 7 كۇمىس جانە 4 قولا مەدال بار.

 ال ۇزدىك ءۇشىنشى ورىندى نيدەرلاندى ەلىنىڭ قۇراماسى تۇيىندەپ تۇر - 5 التىن، 5 كۇمىس جانە 2 قولا مەدال.

 ا ق ش قۇراماسى 5 التىن، 1 كۇمىس جانە 2 قولا مەدالمەن - ءتورتىنشى، 4 «التىن» ، 5 «كۇمىس» جانە 4 «قولاسى» بار كانادا بەسىنشى ورىنعا ورنالاسىپ وتىر.

اۆتور: كۇنسۇلتان وتارباي