22:05, 15 - اقپان 2018 | GMT +5
استانادا «عارىش تانۋ» ورتالىعى اشىلدى
استانا. قازاقپارات - استاناداعى №83 مەكتەپ- گيمنازياسىندا سالتاناتتى تۇردە «عارىش تانۋ» عىلىمي- دامىتۋ ورتالىعى اشىلدى، دەپ حابارلايدى «قازاقپارات» ح ا ا ءتىلشىسى.
جاڭا ورتالىقتىڭ لەنتاسىن كەسۋ قۇرمەتىنە قازعارىش وكىلدەرى يە بولدى. «رەسپۋبليكالىق عارىشتىق بايلانىس ورتالىعى» اق ۆيتسە- پرەزيدەنتى باۋىرجان قۇدابايەۆ بالالاردى KazSat-2 نەگىزىندە قۇراستىرىلعان عارىشتىق اپپاراتتىڭ مودەلىمەن تانىستىردى.
مەكتەپ ديرەكتورى ساۋلە تەمەنوۆانىڭ ايتۋىنشا، ورتالىقتىڭ ماقساتى بالالاردى عارىش الەمىمەن جانە عارىشتىق تەحنولوگيالارمەن تانىستىرۋ.
وقۋشىلار قوناقتاردى مەكتەپپەن تانىستىرىپ، كىتاپحانانى كورسەتتى. قازعارىش ماماندارى قازاقستان عارىشكەرلەرى تۋرالى انىقتامالىق كىتاپتى سىيعا تارتتى.
