جيىرما جىلدان كەيىنگى ءومىردى ەلەستەتىپ كوردىڭىز بە؟
تاقىرىپتىڭ اياسى ادامزاتتى 20 جىلدان كەيىن نە كۇتىپ تۇرعاندىعى تۋرالى بولدى. وزگەرىستەردىڭ باستالىپ كەتكەنى دە بەلگىلى. ءبىز قازىردىڭ وزىندە كۇن سايىن عالىمدار مەن ينجەنەرلەرىڭ جاساپ جاتقان ريەۆوليۋتسيالارىن، جاڭالىقتار كورىپ كەلەمىز. سولاردىڭ ىشىندە «جاساندى سانا» ، «عارىشتا ۇشۋ» ، «مەديتسنا مەن بيولوگيالىق اشىلۋلار» ، «د ن ق» تۋرالى پايىمداۋلار بار. ال عالىمنىڭ ايتۋىنشا الداعى 20 -جىل ىشىندە ادامزات ءۇشىن بۇلىڭعىر ءارى تۇسىنىكسىز جاڭالىقتار پايدا بولادى.
ءومىر تۇسىنىگى عالىم ميتيو كاكۋ ءبارىنىڭ ۋاقىتقا تاۋەلدى ەكەنىن ايتادى. سونىمەن قوسا ءتىلدىڭ دە تەحنولوگيامەن بىرگە داميتىنىن اتاپ ءوتتى. ول قالاي؟ ماسەلەن، قازىرگى ادامدار اراسىنداعى قولدانىلىپ جۇرگەن «كومپيۋتەر» ءسوزى جوعالادى. انىعىندا ءسوزدىڭ ءوزى قالادى، تەك ونىڭ تەرمين رەتىندەگى ماڭىزدىلىعىن ۇمىتامىز. عالىمنىڭ تۇسىندىرگەنى بويىنشا كەيبىر ەلدەردە «كومپيۋتەر» ءسوزى قولدانىستان شىعىپ ول ادام ءومىرىنىڭ ءبىر بولشەگىنە اينالىپ كەتەدى. جەر بەتىندە بارلىق نارسە كومپيۋتەرلەنەدى دەگەندى العا تارتادى. ءسوزدىڭ استارىنا ۇڭىلسەك ءبارىمىز روبوت بولۋىمىز مۇمكىن.
بولاشاقتا 3D باسىپ شىعارۋ قۇرىلعىسىنىڭ ادامزات ءومىرىن قالاي وزگەرتىپ جىبەرۋى تۋرالى دا عالىم ءسوز قوزعادى: «ءبىز جاڭا عاسىر تۋرالى ايتىپ وتىرمىز. ادامدار وزدەرى ەلەستەتە العان نارسەسىن وزدەرى جاساي الادى» . ونىڭ نەگىزدەۋىنشە ادامدار وزدەرى اياق كيىم، ءساندى بۇيىم نەمەسە وزگە دە ءتۇرلى زاتتاردى باسىپ شىعارا الادى. ەگەر ءسىزدىڭ بالاڭىزعا ويىنشىق كەرەك بولسا دۇكەنگە بارۋدىڭ قاجەتى بولمايدى. تەك عالامتورعا كىرىپ، وزىڭىزگە ۇناعان ۇلگىدەگى ويىنشىقتى كوشىرىپ الىپ، ونى 3D باسىپ شىعارۋ قۇرالى ارقىلى جۇزەگە اسىرا الاسىز.
ەڭ ەرەكشە وزگەرىس - ءۇي. ءبىزدىڭ بولاشاقتا تۇراتىن ءۇيىمىز قازىرگىدەي بولمايدى. ءبارى كومپيۋتەرلەنەدى. سونىڭ ارقاسىندا ءبىز قابىرعامەن سويلەسەتىن بولامىز. ءسىزدىڭ كۇمانىڭىز بار ما؟ «كەلەشەكتە بىزدە «اقىلدى قاعاز» پايدا بولادى. بۇل قاعاز بىزگە كەز كەلگەن اقپاراتىمىزدى كورسەتىپ بەرەتىن بولادى. كادىمگى كۇندەلىكتى كوگىلدىر ەكرانداعىداي. ءبىز قابىرعامەن سويلەسەمىز. تەك ءبىز ەمەس قابىرعا بىزبەن دە سويلەسەدى. ساۋلەت ونەرىنىڭ داميتىنى سونشالىق ءۇيدىڭ قابىرعالارى ءبىزدىڭ سمارتفونىمىزعا، تەلەديدارىمىزعا اينالادى» ، - دەيدى عالىم.
ودان بولەك الەمنىڭ كەز كەلگەن بۇرىشىنداعى اداممەن ونىڭ تىلىندە، ول ءسىز دە تۇسىنىسە الاتىن جاعدايعا جەتەدى. بۇل قارقىندى دامىپ جاتقان تەحنولوگيانىڭ كورىنىسى. «ۆالل- ي» مۋلتفيلمى ەسىڭىزدە مە؟ 2008 -جىلى تۇسىرىلگەن بالالارعا ارنالعان مۋلتفيلمدەگى سيۋجەتتىڭ ەندى ورىندالۋى مۇمكىن. ءتىپتى جاقىنداپ كەلە جاتقان سەكىلدى. عالىمنىڭ ايتقانى شىندىققا جاناسپايدى دەپ ايتا الاسىز با؟
Massaget.kz
