ءومىرزاق شوكەيەۆ استىق كولەمىن ارتتىرۋ ءۇشىن نە ىستەۋ كەرەكتىگىن ايتتى

استانا. قازاقپارات - ق ر پرەمەر- ءمينيسترىنىڭ ورىنباسارى - اۋىل شارۋاشىلىعى ءمينيسترى ءومىرزاق شوكەيەۆ ەلىمىزدە ەگىننىڭ شىعىمدىلىعىن ارتتىرۋ ءۇشىن قانداي قادامدارعا بارۋ كەرەكتىگىن ءتۇسىندىردى، دەپ حابارلايدى «قازاقپارات» ح ا ا ءتىلشىسى.

«پرەزيدەنت سالاداعى سيفرلاندىرۋدى ەگجەي- تەگجەيلى ايقىن ءتۇسىندىرۋدى تاپسىرعان بولاتىن. مىسالى، ءبىزدىڭ شارۋالار ونىمدەرىن قالاي جوعالتىپ وتىر؟ سەبەبى ەگىن ەگۋدىڭ قولايلى مەرزىمىن ناقتى انىقتاي المايدى. ءومىر بويى سولاي. سودان كەيىن وسىنى تۋرا ايتىپ بەرەتىن بىلىكتى ادامدى ىزدەپ جۇرەدى. قازىرگى كەزدە بۇل ماسەلە تەحنولوگيامەن شەشىلىپ جاتىر»، - دەپ توقتالدى شوكەيەۆ مينيسترلىكتىڭ كەڭەيتىلگەن القا ماجىلىسىندە.

وسى ورايدا ول الەمدەگى ۇزدىك كومپانيالار تالداۋ نەگىزىندە جوعارى دالدىكپەن بولجامدى بەرە الاتىنىن اتاپ ءوتتى.

«ولار ءبىر شارۋاشىلىقتا قاي جەردە، قانداي ۋچاسكەدە جانە قاشان ەگىن ەگۋگە بولاتىنىن ايتا الادى. «اتامەكەن- اگرو» وسى شارالاردى ىسكە اسىرۋدا. ول ءۇشىن نە ىستەۋ كەرەك؟ اتاپ ايتقاندا، بىزدە زاڭنامالىق تۇرعىدا اۋا رايىنا بولجامعا «قازگيدرومەتتىڭ» مونوپولياسى قورعالعان. بۇل - اناحرونيزم عوي! ءاربىر فەرمەر ءوزىنىڭ ۋچاسكەسىندە شاعىن مەتەوستانساسىن ورناتۋى ءۇشىن اتالعان كەدەرگىلەردى جويۋ كەرەك. سونىمەن قاتار ءبىر اۋدانداعى بارلىق تالداۋدى ءبىر ورتالىققا ءتۇسىرۋ قاجەت»، - دەدى ءو. شوكەيەۆ.

ونىڭ سوزىنە قاراعاندا، وسىنداي مەتەوستانسانىڭ قۇنى ساپاسىنا قاراي 500 دوللاردان باستالادى.

اۆتور: رۋسلان عابباسوۆ