بيىل شەگىرتكە قاۋپى ارتۋى مۇمكىن
«اعىمداعى جىلى شەگىرتكەگە قاتىستى جاعداي قيىن بولاتىن سەكىلدى. بىرىنشىدەن، شەگىرتكەنىڭ تارالۋى جامبىل، وڭتۇستىك قازاقستان جانە شىعىس قازاقستان وبلىستارىندا بولجانىپ وتىر. بيىل وسى زيانكەستەردىڭ 1,9 ميلليون گەكتارعا تارالۋى مۇمكىن دەگەن قاۋىپ بار» ، - دەدى گ. يسايەۆا.
سونىمەن قاتار ول وتكەن جىلدىڭ قاراشاسىندا مەملەكەتتىك ساتىپ الۋلارداعى زاڭبۇزۋشىلىقتىڭ سالدارىنان پرەپاراتتاردى ساتىپ الۋ جۇمىستارى ىسكە اسىرىلماعانىن جەتكىزدى.
«قازىرگى كەزدە ءبىز مينيسترلىك پەن اكىمدىكتەردىڭ ءوزارا ءىس- قيمىلىنىڭ جوسپارىن ازىرلەۋدەمىز. وسى ورايدا شەگىرتكەنىڭ تارالۋىنا توسقاۋىل قويۋدىڭ شارالارىنا ايرىقشا ءمان بەرىلىپ وتىر» ، - دەدى گ. يسايەۆا.
ءوز كەزەگىندە ق ر پرەمەر- ءمينيسترىنىڭ ورىنباسارى - اۋىل شارۋاشىلىعى ءمينيسترى ءومىرزاق شوكەيەۆ شەگىرتكەمەن كۇرەستەگى كەمشىلىكتەرگە پىكىرىن ءبىلدىردى.
«شەگىرتكە بويىنشا جاعداي ءبىرشاما نازاردان تىس قالعان. تەندەرلەر ۋاقىتىلى وتكىزىلمەيدى. شىنىن ايتقاندا، بۇل باعىتتاعى شارالار تۇسىنىكسىزدەۋ. شەگىرتكەگە قاتىستى ماسەلە وتە ماڭىزدى. قازىرگى كەزدە سالاداعى ءمان- جاي تەكسەرىلىپ، ايقىندالاتىن بولادى. سوندىقتان الدىن الا ەشتەڭە ايتا المايمىن» ، - دەدى شوكەيەۆ.
وسى ورايدا ول وڭتۇستىك وڭىرلەردەگى احۋالعا تىڭعىلىقتى قاراۋدى تاپسىردى.
«قازىرگى كەزدە ءبىز كوماندانى قۇردىق، باسقا ۆەرتيكالدى قالىپتاستىرۋدامىز. شۇعىل تۇردە بارلىق قاجەتتى پرەپاراتتاردى ساتىپ الۋمەن اينالىسۋ كەرەك. ەكى اپتادان كەيىن ماعان اتقارىلعان جۇمىستاردى بايانداپ بەرىڭىزدەر، اسىرەسە، وڭتۇستىك قازاقستان، جامبىل، شىعىس قازاقستانداعى ءىس- قيمىلدار جايىندا مالىمەت قاجەت» ، - دەدى ءومىرزاق شوكەيەۆ.
