راقىم ايىپ ۇلى دۇنيەءجۇزى قازاقتارى قاۋىمداستىعىنىڭ باس حاتشىسى بولدى

استانا. قازاقپارات - «جەبەۋ» رەسپۋبليكالىق قوعامدىق بىرلەستىگىنىڭ قۇرىلتايشىلارىنىڭ ءبىرى، بۇرىنعى حاتشىسى، پۋبليتسيت، كاسىپكەر راقىم ايىپ ۇلى دۇنيەءجۇزى قازاقتارى قاۋىمداستىعىنىڭ باس حاتشىسى بولىپ تاعايىندالدى.

راقىم ايىپ ۇلى - 1963 -جىلى ق ح ر ش ۇ ا ر ىلە قازاق وبلىسى كۇنەس اۋدانىندا ومىرگە كەلگەن. 1986 -جىلى پەكين ورتالىق ۇلتتار ينيستيتۋتىن بىتىرگەن. 1993 -جىلى ەلگە ورالعاننان بۇگىنگە دەيىن وسى شيرەك عاسىرعا جۋىق ۋاقىتتا وسى ەلدىڭ ءبىلىم بەرۋ سالاسىندا، كوشى- قونعا بايلانىستى اكىمشىلىك قۇرلىمدا، اقپارات قۇرالدارى سياقتى ءار سالادا ەڭبەك ەتكەن. بۇعان دەيىنگى ەڭبەك جولى قازاق كوشىن كولىكتى ەتۋگە ارنالىپ، قازاقستاننىڭ ۇلتتىق مەملەكەت رەتىندە سالتانات قۇرۋ ءۇشىن قازاق كوشىنىڭ قۇقىقتىق بازاسىن بەكەمدەۋگە اتسالىسىپ كەلەدى.

Jebeu.kz