شەتەلدىك جىگىتكە ەرىپ تۇركياعا كەتكەن پاۆلودارلىق قىز ەلگە قايتا الماي ءجۇر

استانا. قازاقپارات - شەتەلدىك جىگىتكە تۇرمىسقا شىققان پاۆلودارلىق قىز تۇركيادان ەلگە قايتا الماي ءجۇر. ول ءبىر جاسار قىزىمەن بىرگە كۇنى بويى قوناق ۇيدە وتىرادى.

بۇل تۋرالى 31-ارنا حابارلادى.

ۆيكتوريا موزگوۆايا قىزىمەن بىرگە جارتى جىلدان بەرى تۇركيادان شىعا الماي وتىر. بۇرىنعى كۇيەۋى قىزىنىڭ اكەسى رەتىندە شاعىم ءتۇسىرىپ، ونىڭ ەلدەن شىعۋىنا كەدەرگى كەلتىرۋدە.

بالا قازاقستان ازاماتى بولعاندىقتان تۇركيا دارىگەرلەرىنە كورىنە المايدى.

قازقستان ديپلوماتتارى ولاردىڭ ەلگە قايتۋىنا كومەكتەسىپ جاتىر.

«ءبىز - قازاقستان ازاماتىمىز. بالا قازاقستاندا تۋىلدى، تۋۋ تۋرالى كۋالىك تە سونان الىندى. كۋالىكتە اكەسىنىڭ ەسىمى جازىلماعان. سەبەبى ول بالا تۋىلعاندا دا كۋالىك تابىستاۋ كەزىندە دە بولعان جوق. ءبىراق، ول بالانىڭ اكەسى رەتىندە تانۋعا شاعىم ءتۇسىرىپ قويدى. سوت مەديتسينالىق ساراپتاما تاعايىندادى. مەن بالانىڭ اناسى رەتىندە ساراپتاما جاساۋعا قارسى بولدىم. سوت ونى بالانىڭ اكەسى دەپ تانىسا، مەنىڭ رۇقساتىمسىز بالانىڭ ازاماتتىعى اۋىسادى. ولاي بولسا، بالا قازاقستان ازاماتتىعىنان ايىرىلادى. وندا ەكى ازاماتتىق الۋعا رۇقسات جوق»، - دەيدى ق ر ازاماتى ۆيكتوريا موزگوۆايا.

قازاقستان ديپلوماتتارى تۇركيا سوتىنا بالانى ەلدەن شىعارۋعا رۇقسات بەرۋىن سۇراۋدا. قازىر ولار جاۋابىن كۇتىپ وتىر.