اتىراۋدا پەرزەنتحانا الدىندا تۇسىرىلگەن ۆيدەو جەلىدە قىزۋ تالقىلانۋدا - كەسكىن
ومىرگە كەلگەن ءسابيدىڭ قۋانىشىن تويلاعان مۇنداي ۆيدەولار جەلىدە كوپتەپ سانالعانىمەن، ءبىز اڭگىمە ەتىپ وتىرعان ۆيدەو وسى تاقىرىپتا جاريالانعان باسقا ۆيدەولاردى شاڭىنا دا ىلەستىرمەيدى دەسەك، قاتەلەسپەسپىز.
ۆيدەودان توي يەلەرىنىڭ جاقسىلاپ دايىندالعانىن انىق بايقاۋعا بولادى: تراكتوردىڭ جۇك كوتەرەتىن شومىشىنە ورنالاسىپ جاندى داۋىستا ءان شىرقاپ تۇرعان ءانشى، ونىڭ جانىندا قاتار تۇرعان اق ءتۇستى 3 ليمۋزين، ارنايى جايىلعان داستارحاندا تولىپ تۇرعان جەمىس-جيدەكتەر مەن سۋسىندار، ءتىرى قۋىرشاقتار، وتشاشۋلار، ۇلتتىق كيىم كيگەن ارۋلار جانە ت. ب.
ۆيدەو الەۋمەتتىك جەلىلەردە جاريالانعان ساتتەن باستاپ، ونى تاماشالاپ ۇلگەرگەن جانداردىڭ پىكىرى قاق جارىلدى. ءبىر تاراپ قۋانىشقا ورتاق بولىپ، توي يەلەرىن قۇتتىقتاپ جاتسا، ەكىنشى تاراپ مۇنداي استا-توك توي جاساۋ ەش قيسىنعا كەلمەيتىنىن ايتىپ، توي يەلەرىن سىناۋدا. ولاردىڭ ىشىندە، «كەيىنگى كەزدە جاستارىمىز داڭعوي داڭعازالىققا، بوسقا مال شاشپاققا ءۇيىر بولىپ بارا ما»، «جىرتىل قازاق، جىرتىل دەگەن وسى عوي»، «قازاقتا ءبارى بولادى، وعان تاڭ قالماڭىز!»، «وتە ماقتانگەرشىلىك مەنىڭشە وتكەندە بىرەۋى سالعان ەدى ەندى ەكىنشىسى شىعىپتى عوي امان ەسەن بوسانعانىنا شۇكىرشىلىك جاساۋ كەرەك ەمەس پە شاشىلۋ ەمەس»، «بارشىلىق عوي شىركىن اقشا نە ىستەتپەيدى» دەگەن پىكىرلەر وتە كوپ كەزدەسەدى.
دەسەك تە، «اتىراۋ باستادى ەندي بارىدە سۇيتەدى!» دەگەن پىكىر ءبىزدى قاتتى ويلاندىردى.
ءسىز نە دەيسىز؟
reactor.inform.kz
