بورسىق مايىنىڭ پايداسى

 استانا. قازاقپارات - بورسىق مايى ەرتەدەن بەرى حالىقتىق ەمدە كەڭىنەن قولدانىلىپ كەلەدى.

 اسىرەسە بورسىق مايى وكپە تۋبەركۋلەزى، وكپەنىڭ قابىنۋى مەن سوزىلمالى برونحيت، اسقازاننىڭ ويىق جاراسى، ون ەكى قارىس ىشەك اۋرۋلارى سەكىلدى كوپتەگەن قاۋىپتى اۋرۋلاردى ەمدەۋگە جاقسى ناتيجەلەر بەرەدى. بورسىق، ايۋ مايلارىنىڭ پايدالى بولۋى، ولاردىڭ قىس بويىنداعى ۇيقى كەزىندە بويلارىنا كوپتەگەن پايدالى زاتتاردى ماي تۇرىندە جيناۋى ەكەن. ول مايدىڭ قۇرامىندا: - جارتىلاي قۇنارلانعان ماي قىشقىلدارى (ول اعزا تىندەرىن تاماشا قورەكتەندىرەدى) ؛

- قاتەرلى ىسىكتى بولدىرمايتىن ولەين قىشقىلدارى (زات الماسۋدى جاقسارتادى) ؛

 - ءتۇرلى مينەرالدى زاتتار - ا دارۋمەنى ( ونكولوگيالىق اۋرۋلاردى ەسكىرتەدى، شاش پەن تەرىنىڭ، تىرناقتىڭ قالىپتى جاعدايىن ساقتايدى) ؛

- ۆ دارۋمەنى (اعزا ءۇشىن ەڭ قاجەتتى ومىرلىك قۋات كوزى) .

تۋبەركۋلەز، وكپەنىڭ قابىنۋى، ءىرىڭدى برونحيت كەزىندە بورسىق مايىنىڭ قولدانۋ ەرەجەسى:

 - ەرەسەكتەر ءۇشىن: 1-3 اس قاسىق بورسىق مايىن تاماقتانۋعا دەيىن 1 ساعات الدىندا ىشكە قابىداۋ كەرەك. ەمدەۋدى 1 اي بويى جالعاستىرعان ءجون. سودان كەيىن 2-4 اپتا ءۇزىلىس جاساپ، دەرتتىڭ اۋىرلىعىنا بايلانىستى ەمدەۋدى تاعى دا جالعاستىرۋ قاجەت. تۋبەركۋلەزدى ەمدەۋ ءۇشىن بورسىق مايى ۇزاق قابىلدانادى.

 - بورسىق مايى كۇيگەنگە، تەرەڭ جاراقات العاندا، بۋىن اۋرۋلارىندا تەرىگە جاعۋ ارقىلى قولدانىلادى.

 - ەسىڭىزدە بولسىن، باۋىر، ءوت جولدارى، ۇيقى بەزى اۋىراتىن جانە جاسى 6 عا تولماعان بالالار ءۇشىن قولدانۋعا مۇلدە بولمايدى. جاناما اسەرى رەتىندە بورتپەلەر پايدا بولىپ، جۇرەك اينىپ، ءىش ءوتۋى مۇمكىن.

 ايۋ مايى دا ەرتەدەن بەرى ءسىبىر، قىتاي، تيبەت ەلدەرىنىڭ حالىق ەمىندە ماڭىزدى ءرول اتقارىپ كەلەدى. ونى ءتۇرى جاراقاتتارعا جاعىپ، اسقازان جاراسى مەن گاستريت، اۋىز قۋىسىنىڭ شىرىشتى قاباتىنىڭ قابىنۋى مەن ويىلۋىن، تاماق اۋرۋلارىن ەمدەيدى. ايۋ مايى دا ءتۇرلى اۋرۋلارىن ەمدەيدى. سۋىقتاۋ مەن بۋىن اۋرۋلارىندا كومپرەسس جاساپ قولدانادى. ايۋ مايىن سۋىقتاعاندا قولدانۋ ءادىسى:

 - ەرەسەكتەر ءۇشىن تاڭەرتەڭ اشقارىنعا 1 اس قاسىق مايدان كۇنىنە 3 رەت تاماقتانار الدىندا 1 ساعات بۇرىن قابىلداۋ كەرەك؛

 - ۇيقىعا جاتار الدىندا جىلىتىلعان مايمەن اۋرۋدىڭ كوكىرەگىن، ارقاسىن، وكپە تۇسىن جاقسىلاپ ىسقىلاۋ كەرەك؛

 - اسقازان اۋرۋ مەن 12 قارىس ىشەك دەرتىنە مايدى ىشكە قابىلدايدى. وڭ ناتيجە بەرەدى. سوڭعى كەزدە ايۋ مايى كوسمەتيكالىق قۇرال رەتىندە دە كوپكە تانىلىپ كەلەدى. دارىگەر كوسمەتولوگتار بورسىق مايى مەن ايۋ مايلارىن وزگە دە تابيعي كومپونەنتتەرمەن ارالاستىرىپ، تەرىنى جاسارتۋ جانە اجىمدەردىڭ الدىن الۋ ماقساتىندا قولدانۋدى ۇسىنادى. اسىرەسە سۋىق ءارى جەلدى ايماقتا تۇراتىندار ءۇشىن ايۋ مايىنان جاسالعان ماسكالار بەتتى جامان اۋا رايلارىنان تاماشا قورعايدى. ەسىڭىزدە بولسىن، ايۋ مايىنىڭ كەرى اسەرى دە جوق ەمەس. ونى ءوت جولدارى اۋىراتىندار مەن وتىندە تاسى بار ناۋقاستار ىشكە قابىلداۋعا بولمايدى.

Massaget.kz