امەريكا ايعا ادام ۇشىراتىن مەرزىمدى بەلگىلەدى

استانا. قازاقپارات - ا ق ش پرەزيدەنتى دونالد ترامپتىڭ اكىمشىلىگى 2019 -جىلعا ارنالعان بيۋدجەت جوباسىن جاريالادى.

اتالعان جوبادا عارىشكەرلەردى ايعا ۇشىرۋعا قارجى ءبولۋ الدىڭعى قاتارداعى مىندەت رەتىندە قاراستىرىلعان، دەپ حابارلايدى Baq.kz اقپارات اگەنتتىگى lenta.ru سايتىنا سىلتەمە جاساپ.

قۇجاتقا سايكەس، امەريكا 2020 -جىلدىڭ ورتاسىنا قاراي ايعا عارىشكەرلەر ۇشىرۋدى جوسپارلاپ وتىر. ءبىراق، ناقتى قاي كۇنى ۇشاتىنى بەلگىلەنبەگەن. مۇنىمەن قاتار، مەملەكەت جاڭا قۇرىلعى جاساۋعا اقشا ءبولدى.

The New York Times, 2019 -جىلى ناسا- نىڭ قارجىسى 370 ميلليون دوللارعا كوبەيىپ، 19,9 ميلليارد دوللار بولاتىنىن ايتتى. ال كەلەسى جىلدارى بۇل قاراجات 19,6 ميلليارد دوللارعا قىسقارىپ، 2023 -جىلعا قاراي سول كۇيى قالادى. باسىلىم «ترامپ اق ۇيدەن كەتپەيىنشە ايعا ادام ۇشىرا المايمىز. ءتىپتى، كەلەسى سايلاۋدا جەڭىسكە جەتسە دە» دەپ جازدى.

Baq.kz