يۋليا گالىشەۆا: مەن ازاماتتىعىمدى اۋىستىرىپ، وزگە ەل اتىنان سىنعا تۇسۋگە كەلىسپەدىم
بۇعان پحەنچحان وليمپياداسىنىڭ جۇلدەگەرى يۋليا گالىشەۆا، فريستايل موگۋلدان قازاقستان قۇراماسىنىڭ باس باپكەرلەرى جانە وزگە دە قۇراما مۇشەلەرى، قازاقستاندىق ب ا ق وكىلدەرى قاتىستى.
وتىرىس بارىسىندا تىلشىلەردىڭ سۇراعىنا جاۋاپ بەرگەن وليمپيادا جۇلدەگەرى گالىشەۆا وزىنە وسىعان دەيىن شەتەلدەن ۇسىنىستار تۇسكەنىن، ءبىراق ەشقاشان ازاماتتىعىن وزگە ەلگە اۋىستىرمايتىنىن باسا ايتتى.
«ماعان وسىعان دەيىن كانادادان، رەسەيدەن ۇسىنىستار بولعان. مەن ازاماتتىعىمدى اۋىستىرىپ، وزگە ەلدىڭ اتىنان سىنعا تۇسۋگە كەلىسپەدىم. الداعى ۋاقىتتا دا بولمايدى»، - دە اتاپ ءوتتى ول.
ال ءوز كەزەگىندە فريستايل موگۋلدان ۇلتتىق قۇرامانىڭ باپكەرى ەلەنا كرۋگلىحينا: «يۋلياعا ازاماتتىعىن اۋىستىرۋ تۋرالى ۇسىنىس سوچي وليمپياداسىنىڭ الدىندا ءسوز بولعان»، دەگەن سىردىڭ ءبىر ۇشىعىن شىعاردى.
ەستەرىڭىزگە سالا كەتەيىك، يۋليا گالىشەۆا پحەنچحان وليمپياداسىندا قازاقستان قورجىنىنا العاشقى جۇلدەنى سالعان بولاتىن.
