جۇرگىزۋشىنى اپاتقا ۇشىراتاتىن شارشاۋ بەلگىلەرى
وسىنداي جاعدايعا تاپ بولماس ءۇشىن 5 لايفحاكتى نازارلارىڭىزعا ۇسىنامىز.
قاباقتىڭ اۋىر تارتۋى
كوزدى اشۋ اۋىرلاي تۇسەدى. ءجيى جىپىلىقتاي باستاعانىن سەزەسىز. بۇل ميدىڭ ىستەن شىعا باستاعانىن بىلدىرەدى. كولىكتى جول جيەگىنە توقتاتىپ، دەمالۋ كەرەك.
كوزدىڭ الداۋى
كوز الدىڭىزداعى زاتتار جاقىنداعاندا باسقا زات بولىپ شىقسا نەمەسە مۇلدە جوعالىپ كەتسە بۇل ميدىڭ اقپاراتتى وڭدەپ ۇلگەرمەي جاتقانىن جانە ۇيقىلى- وياۋ وتىرعانىڭىزدى بىلدىرەدى.
الدەنەگە كوز توقتاتۋ قيىن
كوز الدىڭىزدا دۇنيەنىڭ ءبارى تەربەلىپ، جول شايقالىپ تۇرعانداي كورىنەدى.
ويىڭىز شاشىرايدى
ميىڭىز باستالعان اڭگىمەنى جالعاستىرۋعا نەمەسە ويىڭىزدى اياقتاۋعا مۇمكىندىك بەرمەيدى. جولاۋشىلار جۇرگىزۋشىگە بىرنەشە سۇراق قويىپ، ونىڭ جاعدايىن تەكسەرە الادى. ماسەلەن «قالاعا قاشان جەتەمىز؟» نەمەسە «قانشا ۋاقىت قالدى؟» دەپ سۇراۋعا بولادى. ونىڭ جاۋابىنان جاعدايىن اڭعارۋعا بولادى.
زەيىننىڭ تومەندەۋى
بىرنەشە رەت ۇساق ەرەجە بۇزساڭىز، باعدارشامدا ءوتىپ كەتسەڭىز، سوڭعى جول بەلگىسىن ەستە ساقتاماساڭىز توقتاۋ قاجەت. ءالى جۇزدەگەن شاقىرىم جۇرە الاتىنداي بولىپ كورىنسەڭىز دە توقتاعان ابزال.
وسىنداي جاعدايلار ۇزاق جول ءجۇرىپ كەلە جاتقاندا بولسا ماماندار كەلەسىدەي كەڭەس بەرەدى:
بيلەڭىز. ءار ءبىر جارىم ەكى ساعات سايىن توقتاپ، كولىكتەن شىعىپ، بيلەپ، بوي جازىڭىز.
جولعا اپەلسيندى مولىنان الىپ شىعىڭىز. فاست- فۋدتان اۋلاق بولىڭىز. جەمىس- جيدەك بويىڭىزدى سەرگىتەدى. ال مايلى تاماق كەرىسىنشە اۋىرلاتادى.
ويناقى مۋزىكا تىڭداڭىز.
جولاۋشىلاردى ۇيىقتاتپاڭىز. قاسىڭىزداعى ادامدار ۇيىقتاپ قالسا ءسىز دە ۇيقىعا بوي الدىرا باستايسىز.
ميىڭىزدى جۇمىس ىستەتىڭىز. 46-عا 54- ءتى قوسىپ كورىڭىز. نەمەسە كوبەيتۋ كەستەسىن ەسىڭىزگە ءتۇسىرىڭىز. ەگەر ميىڭىز مۇنىڭ بارىنە رەاكسيا بەرمەسە توقتاپ، تىم بولماسا 20 مينۋت ۇيىقتاپ الىڭىز.
دەرەككوز: https://www.adme.ru
