قىتاي مەن قازاقستان سيفرلاندىرۋ سالاسىندا ىنتىماقتاسپاق
بۇل تۋرالى ق ح ر رەفورما جانە دامۋ ىستەرى جونىندەگى مەملەكەتتىك كوميتەت (ر د م ك) ءتوراعاسىنىڭ ورىنباسارى نيڭ جيجە (Ning Jizhe) ايتتى، دەپ حابارلايدى قىتايداعى «قازاقپارات» ح ا ا مەنشىكتى ءتىلشىسى.
«نۇرسۇلتان نازاربايەۆتىڭ «ءتورتىنشى ونەركاسىپتىك ريەۆوليۋتسيا جاعدايىنداعى دامۋدىڭ جاڭا مۇمكىندىكتەرى» جولداۋىن زەرتتەپ، ونەركاسىپتىك يننوۆاتسيالاردى، جاسىل ەكونوميكانى جانە باسقا دا الدىڭعى قاتارلى سالالاردى دامىتۋ بويىنشا ءسىزدىڭ ەلىڭىزدىڭ ماڭىزدى جوسپارلارىنا نازار اۋداردىق. ءبىز ادامزاتتىڭ يندۋستريالىق سالادا رەفورمانى تالاپ ەتەتىن جاڭا كەزەڭگە اياق باسقانىنا كەلىسەمىز»، - دەدى ول بۇگىن وتكەن قازاقستان- قىتاي يندۋسترياليزاتسيا مەن ينۆەستيتسيا سالاسىنداعى ىنتىماقتاستىق بويىنشا بىرلەسكەن كوميسسيانىڭ 14- وتىرىسىندا.
ر د م ك پىكىرىنشە، نين تسزيچجە قازاقستاندا جۇرگىزىلىپ جاتقان رەفورمانىڭ ەرەكشەلىكتەرى رەتىندە يندۋستريالاندىرۋ ماسەلەسىن ينتەرنەت، «جاسىل» جانە «اقىلدى» تەحنولوگيالار، جالپى العاندا ەكونوميكانى تسيفرلاندىرۋمەن تىعىز بايلانىستىرۋ دەپ اتادى.
«قىتاي دا قازاقستان سەكىلدى ەكونوميكانىڭ وسى باعىتتارىن دامىتۋعا باسا نازار اۋدارۋدا - بىزدە «قىتايدا جاسالعان - 2025» جانە «ينتەرنەت+» باعدارلامالارى ازىرلەنگەن. قازىر قىتايلىق سمارت- تەحنولوگيالار الەمدە الدىڭعى ورىندارعا شىعا باستادى. ءبىز ءوز تاجىريبەمىزبەن بولىسۋگە، سونداي- اق قازاقستانداعى وندىرىستىك قۋاتتاردى دامىتۋدىڭ بىرلەسكەن باعدارلاماسىنداعى تسيفرلاندىرۋ جانە «اقىلدى» تەحنولوگيالار سالاسىنداعى جوبالارعا قوسىلۋعا دايىنبىز»، - دەپ اتاپ ءوتتى ول.
