رۋسلان دالەنوۆ جاڭا ەڭبەك ءمينيسترى جايىندا: ول باتىل مىنەزدى
مۇنداي پىكىردى بۇگىن ق ر ۇلتتىق ەكونوميكا ءبىرىنشى ۆيتسە-ءمينيسترى رۋسلان دالەنوۆ ءبىلدىردى، دەپ حابارلايدى قازاقپارات.
«مەنىڭشە ول جاقسى مينيستر بولادى. ول وتە كوپ پايدا اكەلەدى، باتىستىق ءبىلىمى بار. ە ى د ۇ- مەن بايلانىسى جاقسى. وزدەرىڭىز دە بىلەسىزدەر، ە ى د ۇ ەلدەرىنىڭ لايىقتى كارىلىكتى جانە الەۋمەتتىك قورعاۋدى قامتاماسىز ەتۋدە وتە مول تاجىريبەسى بار. بۇعان قوسا، الەۋمەتتىك- ەكونوميكالىق بلوكتان شىققاننان كەيىن ول ۇلتتىق ەكونوميكا، قارجى مينيسترلىكتەرىمەن ءوزارا ءىس-قيمىلدى كۇشەيتەدى دەپ ويلايمىن. بۇل ەڭبەك جانە حالىقتى الەۋمەتتىك قورعاۋ مينيسترلىگىنە پايدالى بولادى»، - دەدى رۋسلان دالەنوۆ ورتالىق كوممۋنيكاتسيالار قىزمەتىندەگى باسپا ءسوز ءماسليحاتى بارىسىندا ب ا ق وكىلدەرىنىڭ ساۋالىنا وراي.
سونىمەن قاتار ول ارىپتەسىنىڭ ادام رەتىندە جۇمىسقا بارىنشا قابىلەتتى ەكەندىگىن باسا ايتتى.
«ەگەر بىرەۋلەر وڭىرلەرمەن جۇمىستا، ەڭبەك داۋلارىن شەشۋدە ناقتى تاجىريبەسى جەتكىلىكسىز دەيتىن بولسا، مەن باتىل مىنەزى بار ەكەندىگىن ايتا الامىن. سوندىقتان ءبىز ونى وتە ساۋاتتى، ساپالى قىزمەتكەر، ەكونوميست، جەتەكشى، جالپى وتە جاقسى ادام رەتىندە سيپاتتايمىز»، - دەدى ءبىرىنشى ۆيتسە-مينيستر.
