12:50, 12 - اقپان 2018 | GMT +5
مىڭنان استام ساعات جيناعان ازەربايجاندىق ءۇيىن مۋزەيگە اينالدىرماق
استانا. قازاقپارات - ساعات جيناۋمەن اينالىساتىن باكۋدەگى ماشتاگ كەنتىنىڭ تۇرعىنى راميز اليەۆ ازەربايجان استاناسىنىڭ تۇرعىندارىن تاڭ قالدىرىپ ءجۇر.
64 جاستاعى ساعات جيناۋشىنىڭ ءۇيى كادىمگى ساعات مۇراجايىنا اينالعان.
«انادولى» اگەنتتىگىنىڭ مالىمەتىنشە، اليەۆ ۇستەل، قابىرعا جانە قالتا ساعاتتارىن جيناۋدى بالا كەزىنەن ادەتكە اينالدىرعان.
ونىڭ كوللەكسياسىندا قازىر گەرمانيا، فرانسيا، شۆەيساريا، جاپونيا، ا ق ش، رەسەي جانە باسقا دا ەلدەردە جاسالعان مىڭنان استام ساعات بار. ال ىشىندە XIX عاسىردان قالعان جادىگەر ساعاتتار دا كەزدەسەدى.
ءۇيىن ساعاتتار مۇراجايىنا اينالدىرۋدى ارماندايتىن ول «مەنىڭ اكەم ساعات جوندەۋشى بولعان»، - دەيدى.
