الماتىلىق كاسىپكەرلەر عاسىر دەرتى بويىنشا تەگىن تەكسەرۋدەن ءوتىپ جاتىر
يممۋنيتەت تاپشىلىعىنىڭ ۆيرۋسى (ي ت ۆ) تەكسەرۋ اكسياسى الماتىنىڭ ج ي ت س ورتالىعىندا ءوتىپ جاتىر. تەكسەرىلۋگە بارعان كاسىپورىن، مەكەمە قىزمەتكەرلەرى مەن باسشىلارىنا دەرتتەن قورعانۋ جولدارى ءتۇسىندىرىلىپ، دارىگەرلەر ىندەتتىڭ بيزنەسكە كەرى ىقپالى جوق ەكەنىن ايتىپ بەردى.
«اكسياعا «الاتاۋ جارىق» كومپانياسىنىڭ 130 قىزمەتكەرى مەن باسشىلىق قىزمەتتەگى ادامدارى قاتىستى، سونداي-اق قالاداعى وزگە دە تەحنيكا سالاسىنداعى كاسىپورىن قىزمەتكەرلەرى كەلۋدە. الداعى ناۋرىز ايىندا دۇنيەجۇزىلىك ەكونوميكالىق فورۋمنىڭ بيزنەس قۇرىلىمدار اراسىندا جىل سايىنعى ساۋالناماسى جۇرگىزىلەدى. وندا انكەتا تۇرىندە ي ت ۆ- نىڭ بيزنەسكە ىقپالى تۋرالى سۇراقتار قويىلادى. ساۋالناما قورىتىندىسى بويىنشا، قازاقستاندىقتار اراسىندا يتۆ- نىڭ قانشالىقتى تۇسىندىرىلگەنى انىقتالادى»، - دەدى الماتى قالاسى بويىنشا ج ي ت س- پەن كۇرەس جانە الدىن الۋ ورتالىعىنىڭ باس دارىگەرى مارات تۇكەيەۆ.
اكسيا اياسىنداعى تەكسەرىلۋ 15 مينۋت ىشىندە جۇرگىزىلىپ، ناتيجەسى بىردەن انىقتالادى. تەكسەرىلۋشى تۋرالى اقپارات قۇپيا ساقتالىپ، تەك وزىنە عانا ايتىلادى.
