پحەنچحان: ارىستانبەك مۇحامەدي ۇلى ا ق ش ۆيتسە- پرەزيدەنتىمەن بىرگە جانكۇيەر بولدى

استانا. قازاقپارات - ق ر مادەنيەت جانە سپورت ءمينيسترى ارىستانبەك مۇحامەدي ۇلى وڭتۇستىك كورەيادا ءوتىپ جاتقان وليمپيادا ويىندارى كەزىندە ا ق ش- تىڭ ۆيتسە- پرەزيدەنتى مايكل پەنسپەن جانە كورەيا رەسپۋبليكاسىنىڭ پرەزيدەنتى مۋن چجە ينمەن كەزدەستى، دەپ حابارلايدى قازاقپارات.

«پحەنچحان وليمپياداسى ا ق ش- تىڭ ۆيتسە- پرەزيدەنتى مايكل پەنسپەن جانە كورەيا رەسپۋبليكاسىنىڭ پرەزيدەنتى مۋن چجە ينمەن كەزدەسۋگە جاقسى مۇمكىندىك بولدى. اسا مارتەبەلىنىڭ جانە ونىڭ جۇبايىنىڭ ورىندارى ءدال مەنىڭ ارتىمدا جانە مايكل پەنسپەن كورشىلەس ورنالاسقان. مىنە، دوستار، وسىنداي تاماشا كومپانيادا ءبىزدىڭ سپورتشىلارعا جانكۇيەر بولىپ وتىرمىز»، - دەپ جازدى مينيستر فەيسبۋكتەگى ءوز پاراقشاسىنا.

بۇعان دەيىن ارىستانبەك مۇحامەدي ۇلى قازاقستاندىق بياتلونشىلاردىڭ كوشباسشىسى گالينا ۆيشنيەۆسكايانى تۋعان كۇنىمەن قۇتتىقتاعان ەدى.

«بۇگىن بياتلون بويىنشا قازاقستان قۇراماسىنىڭ كوشباسشىسى گالينا ۆيشنيەۆسكايا تۋعان كۇنى! بار بولعانى 24 جاسقا تولىپ جاتسا دا، ونىڭ باعىندىرعان اسۋى كوپ. اتاپ ايتقاندا، الماتىداعى بۇكىلالەمدىك ۋنيۆەرسيادانىڭ 2 التىن جانە 2 قولا مەدالىن، ال ساپپورودا ازيا ويىندارىنا العاش تۇسكەن كەزىندە تورتدۇركىن چەمپيون اتاندى. قازىرگى ۋاقىتتا گالينا ۆيشنيەۆسكايا ەڭ ۇزدىك بياتلونشىلاردىڭ ءبىرى. مەن گالينانى تۋعان كۇنىمەن قۇتتىقتاي وتىرىپ، ومىردە دە، سپورتتا دا جاڭا جەڭىستەرگە جەتە بەرۋىن، زور دەنساۋلىق پەن باقىت تىلەيمىن»، - دەپ جازدى مينيستر فەيسبۋكتە.

ەسكە سالا كەتسەك، وڭتۇستىك كورەيانىڭ پحەنچحان قالاسىندا 23 - قىسقى وليمپيادا ويىندارى ءوتىپ جاتىر. الەمنىڭ 92 ەلىنەن 2500-دەن استام سپورتشى 101 مەدالدى ساراپقا سالۋدا. قازاقستاننىڭ نامىسىن 46 سپورتشى قورعاۋدا.

اۆتور: ميرا تولەندى قىزى