09:29, 11 - اقپان 2018 | GMT +5
وليمپيادادا نوروۆيرۋس جۇقتىرعاندار سانى ارتتى
استانا. قازاقپارات - وليمپيادا ويىندارىندا نوروۆيرۋس جۇقتىرعان ادامدار سانى 158 ادامعا جەتتى. بۇل تۋرالى جۋرناليستەرگە ۇيىمداستىرۋ كوميتەتىنىڭ وكىلى سون پەك يۋ ءمالىم ەتتى. 10 اقپانداعى جاعداي بويىنشا، ىندەتكە شالدىققاندار سانى 139 ادام بولعان ەدى، دەپ حابارلايدى ت ا س س.
«سەنبى كۇنگى جاعداي بويىنشا نوروۆيرۋسپەن اۋىرعاندار سانى 158-گە جەتتى. ولاردىڭ كەيبىرى اۋرۋحانادا ەم الدى. 139 ادام تولىقتاي ايىعىپ كەتسە، 19 ناۋقاس دارىگەرلەردىڭ ءجىتى باقىلاۋىندا. قازىرگى تاڭدا ءبىر دە ءبىر سپورتشى بۇل ۆيرۋستى جۇقتىرعان. جوق»، - دەدى سون پەك يۋ.
بۇدان بۇرىن حابارلانعانداي، وليمپيادا ويىندارىندا قۇقىقتىق ءتارتىپتى كۇزەتۋمەن اينالىساتىن جەكە كومپانيانىڭ 1200-دەن استام قىزمەتكەرى نوروۆيرۋس سالدارىنان جۇمىستان شەتتەتىلگەن ەدى.
