ەلباسى بيزنەستى تەكسەرۋشىلەر تۋرالى: تۇك تاپپاسا، تەگىن اس ءىشىپ كەتەدى

استانا. قازاقپارات - ۇكىمەتتىڭ كەڭەيتىلگەن ماجىلىسىندە ق ر پرەزيدەنتى نۇرسۇلتان نازاربايەۆ بيزنەستى تەكسەرۋدى قىسقارتۋعا قاتىستى جاسالعان بايانداماعا پىكىر ءبىلدىردى، دەپ حابارلايدى قازاقپارات.

«بۇل ماسەلە وسىعان دەيىنگى ءاربىر وتىرىستا كوتەرىلگەن ەدى. بارلىعى مىندەتتى تۇردە تەكسەرۋگە بارۋعا قۇشتار. ءورت ءسوندىرۋشىنىڭ ءوزى نىساندى قاراپ شىققاننان كەيىن ەشتەڭە تاپپاسا دا، مەيرامحانادان تىم بولماسا تەگىن تۇسكى اس ءىشىپ كەتەدى»، - دەدى مەملەكەت باسشىسى.

ءوز كەزەگىندە «اتامەكەن» ق ر ۇلتتىق كاسىپكەرلەر پالاتاسىنىڭ باسقارما ءتوراعاسى ابىلاي مىرزاحمەتوۆ تەكسەرۋشىلەر تاراپىنان وسىنداي زاڭ بۇزۋشىلىقتار بۇگىندە كوپ كەزدەسپەيتىنىن اتاپ ءوتتى.

سونىمەن قاتار ول ەلباسىنا تەكسەرۋلەرگە قاتىستى جاريالانعان موراتوريگە العىسىن ايتتى. بۇل شارالار تەكسەرۋلەر سانىنىڭ وسىمىنە تالداۋ جاساۋعا مۇمكىندىك بەردى.

«مەننەن 2014 -جىلى تەكسەرۋشىلەردىڭ اراسىندا كىم كوش باستاپ تۇرعانىن سۇراعان ەدىڭىز. قازىرگى كەزدە تەكسەرۋلەر ۇشتەن ەكىگە قىسقاردى. ءبىز جاپاتارماعاي تەكسەرۋلەردىڭ اۋقىمىن شىن مانىندە قىسقارتتىق. قازىرگى كەزدە تاۋەكەلدەردى باسقارۋ جۇيەسىن جولعا قويدىق. ەندى كومپيۋتەرلىك جۇيە تاۋەكەلدەر ايماعىن انىقتايدى، ياعني سالىقتار از تولەنەتىن جەرلەر جانە باسقا دا جاعدايلار ايقىن كورىنەدى»، - دەدى مىرزاحمەتوۆ.