جەرگىلىكتى جەردە زاڭداردى قالاي بۇرمالايدى
ق ر ادىلەت ۆيتسە- ءمينيسترى ەلۆيرا ءازىموۆانىڭ ايتۋىنشا، جەرگىلىكتى بيلىك زاڭعا قايشى كەلەتىن اكتىلەردى قابىلدايدى. ءبىراق ونداي قۇجاتتار مەملەكەتتىك تىركەۋگە الىنبايدى.
«ماسەلەن، وتكەن جىلى 334 اكتىنىڭ زاڭعا قايشى ەكەنى انىقتالدى. بۇل جالپى مەملەكەتتىك تىركەۋگە تۇسەتىن قۇجاتتاردىڭ 3,5 پروتسەنتىن قۇرايدى. بىلتىر اتالعان كورسەتكىش 5,4 پروتسەنت بولعان. ارينە، وسى سالاداعى جۇمىستىڭ ناتيجەسىندە زاڭعا قايشى اكتىلەردىڭ سانى تومەندەپ كەلەدى. دەگەنمەن، زاڭ تالاپتارىن ساقتاماۋ ارەكەتتەرى ءالى دە بار»، - دەدى ە. ءازىموۆا مينيسترلىكتىڭ كەڭەيتىلگەن ماجىلىسىندە.
ۆيتسە-ءمينيستردىڭ سوزىنە قاراعاندا، سوڭعى تەكسەرىستەر كەزىندە 715 ءتارتىپ بۇزۋ فاكتىلەرى انىقتالدى.
«جەرگىلىكتى بيلىكتىڭ 852 نورماتيۆتىك اكتىسى زاڭعا ساي ەمەس بولىپ شىقتى. وسى فاكتىلەر بويىنشا 255 لاۋازىمدى تۇلعا تارتىپتىك جازاعا تارتىلدى. سونداي-اق، 78 اكىمشىلىك ءىس قوزعالدى. ول ىستەردىڭ باسىم بولىگى سولتۇستىك قازاقستان، اقتوبە مەن جامىل وبلىستارىنا تيەسىلى. بۇگىندە بارلىق اكىمشىلىك ىستەر اياقتالىپ، جەرگىلىكتى جەردە ىستەيتىن 76 لاۋازىمدى تۇلعا اكىمشىلىك جازاعا تارتىلدى. ولاردىڭ بىردە- بىرەۋى قارسى شاعىم تۇسىرمەدى»، - دەپ اتاپ كورسەتتى ە. ءازىموۆا.
ايتا كەتەيىك، وتىرىس كەزىندە ق ر پارلامەنت ءماجىلىسىنىڭ دەپۋتاتى سۆەتلانا بىچكوۆا زاڭ شىعارۋ جۇمىسىنىڭ باستى كەمىشىلىكتەرىن اتادى.
