اقشا ايىرباستاۋ ورنى قوجايىنىنىڭ الاياقتىق ارەكەتتەرى اشكەرەلەندى
اتالعان 4 قىلمىس بويىنشا تۇركىسىب ا ءى ءى ب- دا بارلىق دالەلدى قۇجات جيناقتالعان، دەپ حابارلايدى Baq.kz اقپارات اگەنتتىگى patrul.kz سايتىنا سىلتەمە جاساپ.
اقشا ايىرباستاۋ پۋنكتى بار كۇدىكتى باستاپقى كەزدە ءوز جۇمىسىن زاڭ شەڭبەرىندە- اق جۇرگىزىپ كەلگەن. الايدا وڭاي جولمەن اقشا تابۋدى جوسپارلاعان ول، ءوزىنىڭ تۇراقتى تۇتىنۋشىلارىنا ءوز قاراجاتتارىن اينالىمعا سالىپ، ودان تۇسكەن پايدانى الىپ وتىرۋدى ۇسىنعان. مۇنداي ءتيىمدى اقشا تابۋ كوزىنە وڭاي الدانعان بىرنەشە تۇتىنۋشى الاياقتىڭ قولىنا ءىرى كولەمدەگى اقشالاي قارجىلارىن ۇستاتا سالعان.
ارادا ءبىراز ۋاقىت وتكەننەن كەيىن الدانعان ازاماتتار ءوز قارجىلارىنىڭ پايىزدىق ۇستەماقىسىن سۇراماق بولىپ، اقشا ايىرباستاۋ ورنىنىڭ قوجايىنىن ىزدەي باستايدى. الايدا بۇل ۋاقىت ىشىندە ول ەل اۋماعىنان كەتىپ ۇلگەرگەن.
«بۇل تۋرالى ارىز تۇركىسىب ا ءى ءى ب- دا تىركەلىپ، كۇدىكتى كوپ ۇزاماي قولعا ءتۇستى. وسىلايشا ادامداردىڭ سەنىمىنە كىرە وتىرىپ، اسا ءىرى كولەمدە قارجى جىمقىرعان ز. ەسىمدى ازاماتقا قاتىستى قىلمىستىق ءىس قوزعالدى. كەلتىرىلگەن شىعىن سوماسى 1 ميلليون ا ق ش دوللارىن قۇراپ وتىر. كۇدىكتىنىڭ بۇعان دەيىن دە وسىنداي قىلمىستار جاساۋى مۇمكىن ەكەندىگىن ەسكەرە وتىرىپ، اتالعان ازاماتتىڭ زاڭسىز ارەكەتىنەن زارداپ شەككەن وزگە دە ازاماتتار بولسا مىنا تەلەفون نومىرلەرى 298-54-01, 298-54-08, 298-54-10 ارقىلى حابارلاسۋلارىن سۇرايمىز» ، - دەپ مالىمدەدى الماتى قالاسى ءى ءى د، تۇركىسىب اءى ءى ب- ى باستىعىنىڭ ورىنباسارى، پوليتسيا پودپولكوۆنيگى ۆلاديمير رەشەتنيكوۆ.
Baq.kz
