ۋفانىڭ باس باپكەرى «قازاق مەسسيى» تۋرالى ايتىپ بەردى

استانا. قازاقپارات - «ۋفانىڭ» باس باپكەرى سەرگەي سەماك AllUfa.ru سايتىنا بەرگەن سۇحباتىندا قازاقستاندىق فۋتبولشى ەركەبۇلان سەيداحمەت تۋرالى ايتىپ بەردى، دەپ حابارلايدى قازاقپارات Sports.kz سايتىنا سىلتەمە جاساپ.

«ول تەحنيكالىق تۇرعىدا جاقسى شىڭدالعان، اقىلدى ويىنشى، قازىرگى فۋتبولدا بار تالاپتاردى بارىنشا جىلدام يگەرىپ كەتە الادى. سوندىقتان تاجىريبەسى بۇگىنگىدەن مولايا ءتۇسىپ، ءبىزدىڭ كلۋبقا جاقسى ناتيجەلەر كورسەتۋگە كومەكتەسەتىنىنە سەنەمىن»، - دەدى سەماك.

سەيداحمەت «ۋفا» قۇرامىندا ءۇش باستى ماتچ وتكىزدى - كيپرلىك «الكي» (7:0)، پولشالىق «ۆيسلا» (پلوتسك) (1:0) جانە چەحيالىق «سلوۆانا» (2:3).

تاياۋدا الەۋمەتتىك جەلىلەردە «قازاق مەسسيى» كلۋبقا جاراماي قالعانى تۋرالى اقپارات تاراي باستادى. الايدا، مۇنى فۋتبولشىنىڭ ءوزى جوققا شىعاردى. سەيداحمەت «ۋفامەن» كاسىبي كەلىسىمشارتقا كيپرداعى جيىننان كەيىن قول قوياتىنىن اتاپ ءوتتى.