مەملەكەتتىك قىزمەتشى قاتىسى بار ءاربىر جول اپاتى تالقىعا سالىنۋى ءتيىس - شپەكبايەۆ
مىسال رەتىندە اگەنتتىك ءتوراعاسى ماس كۇيىندە كولىك جۇرگىزگەن استاناداعى سىبايلاس جەمقورلىققا قارسى قىزمەتتىڭ تەرگەۋشىسىن كەلتىردى.
«استاناداعى سىبايلاس جەمقورلىققا قارسى قىزمەتتىڭ تەرگەۋشىسىن ىشكى ىستەر ورگاندارىنىڭ قىزمەتكەرلەرى ۇستاعانىن بارلىعى ەستىگەن شىعار. ءيا، مويىندايمىز. سىبايلاس جەمقورلىققا قارسى قىزمەت جەتەكشىسى سول كۇنى دۇرىس ىستەدى، ءبىراق باسشىلار مەن قىزمەتكەرلەرىنىڭ جاۋاپكەرشىلىك ماسەلەسىن قاراستىرمادى. بۇيرىقتى توقتاتۋعا (قايتا شىعارۋعا - رەد. ) تۋرا كەلدى. باسشىنىڭ وزىنەن باستاپ، ماس قىزمەتكەرگە تىكەلەي قاتىسى بار بارلىق جەتەكشى جازاعا تارتىلدى. ءبارىنىڭ باسشى بولعىسى كەلەدى، ءبىراق جاۋاپكەرشىلىك العىسى كەلمەيدى»، - دەدى اليك شپەكبايەۆ استانا اكىمدىگىندە «استانا - ادالدىق الاڭى» جوباسىنىڭ تانىستىرىلىمىندا.
سونىمەن بىرگە، ا. شپەكبايەۆ قالالىق ءى ءى د- گە مەملەكەتتىك ورگانداردا جۇمىس ىستەيتىن قىزمەتكەرلەردىڭ قاتىسى بار جول- كولىك اپاتتارى تۋرالى مالىمەتتەردى وزىنە بەرىپ وتىرۋىن سۇرادى.
«مەملەكەتتىك قىزمەتشىنىڭ قاتىسى بار ءاربىر فاكت تالقىعا سالىنۋى ءتيىس. (...) مەملەكەتتىك قىزمەتشىلەر تاراپىنان قۇقىق بۇزۋ فاكتىلەرى تىركەلسە، باسشىسىمەن قوسا جازا تارتۋ قاجەت»، - دەپ ءوز ءسوزىن تولىقتىردى ا. شپەكبايەۆ.
اۆتور: ايجان سەرىكجان قىزى
