ەلباسى سوورونباي جەيەنبەكوۆپەن تەلەفون ارقىلى سويلەستى

استانا. قازاقپارات - مەملەكەت باسشىسى قىرعىز رەسپۋبليكاسىنىڭ پرەزيدەنتى سوورونباي جەيەنبەكوۆپەن تەلەفون ارقىلى سويلەستى، دەپ حابارلايدى قازاقپارات اقوردانىڭ باسپا ءسوز قىزمەتىنە سىلتەمە جاساپ.

 نۇرسۇلتان نازاربايەۆ پەن سوورونباي جەيەنبەكوۆ اڭگىمەلەسۋ بارىسىندا ەكىجاقتى ىنتىماقتاستىقتىڭ قازىرگى جاعدايى مەن كەلەشەگىن، سونداي- اق ەكى ەلدىڭ ەۋرازيالىق ەكونوميكالىق وداق اياسىنداعى ءوزارا ءىس- قيمىلىن تالقىلادى.

مەملەكەتتەر باسشىلارى كۇن تارتىبىندەگى وڭىرلىك جانە حالىقارالىق وزەكتى ماسەلەلەر جونىندە پىكىر الماستى. سونداي- اق، تاراپتار الداعى كەزدەسۋلەر كەستەسىن قاراستىردى.