پحەنچحان وليمپياداسىن تىكەلەي ەفيردەن ءۇش تەلەارنا كورسەتەدى - اقپارات ءمينيسترى
«ءبىزدىڭ مينيسترلىك XXIII قىسقى وليمپيادا ويىندارىنىڭ كورسەتىلىمىن جۇزەگە اسىراتىن قۇقىققا يە كومپانيامەن كەلىسسوزدەردى اياقتادى. ەل تۇرعىندارى وليمپيادا ويىندارىن اقپاننىڭ 9-ى مەن 25 ى ارالىعىندا وتاندىق ارنالاردىڭ تىكەلەي ەفيرىنەن تاماشالاي الادى.
دۇنيەجۇزى نازار اۋداراتىن ءدۇبىرلى دودانى «حابار»، «Qazaqstan» مەن «Qazsport» ارنالارى تىكەلەي ترانسلياتسيالاۋ قۇقىعىنا يە بولدى. ماسەلەن، «Qazaqstan» مەن «Qazsport» ارنالارى 150 تىكەلەي ترانسلياتسياعا شىعۋدى جوسپارلاپ وتىر»، - دەپ جازدى مينيستر فەيسبۋكتەگى ءوز پاراقشاسىنا.
د. ابايەۆتىڭ ايتۋىنشا، «حابار» ارناسى بارلىعى 100 رەت تىكەلەي ەفيرگە شىعادى. سونىمەن قاتار، وليمپيادا كۇندەلىگىن كورەرمەن نازارىنا قازاق جانە ورىس تىلدەرىندە ۇسىنۋ جوسپارلانعان. دەمەك، پحەنچحانعا ارنايى بارعان تىلشىلەر توبى سوڭعى اقپاراتتارمەن كۇندەلىكتى ءبولىسىپ وتىراتىن بولادى.
«وڭتۇستىك كورەيانىڭ الاڭدارىندا ەل نامىسىن قورعايتىن جەرلەستەرىمىزگە تەك قانا جەڭىس تىلەيمىز! العا، قازاقستان!»، - دەدى مينيسترلىك باسشىسى.
