اتىراۋدا اۋدان اكىمى ورىنباسارىنىڭ نەگە تۇتقىندالعانى بەلگىلى بولدى

اتىراۋ. قازاقپارات - اتىراۋ وبلىسى ماقات اۋدانى اكىمىنىڭ ورىنباسارىنىڭ جانە اكىمدىكتىڭ قۇرىلىس ءبولىمى جەتەكشىسىنىڭ تۇتقىندالۋىنا قاتىستى ءىستىڭ ءمان-جايى ايقىندالدى، دەپ حابارلايدى قازاقپارات.

«مەملەكەتتىك قىزمەتشىلەر ماقات اۋدانى اكىمىنىڭ ورىنباسارى جاقسىلىق مۇسەپوۆ پەن اۋداندىق قۇرىلىس ءبولىمىنىڭ جەتەكشىسى قۇرالبەك ادامبايەۆقا ق ر ق ك-نىڭ 266 -بابى، 3 -تارماعى، 1 -تارماقشاسى بويىنشا، «الدىن الا سىبايلاسقان توپتىڭ پارا الۋى» بويىنشا قىلمىستىق ءىس قوزعالدى. ولار مەردىگەر ۇيىم وكىلدەرىنە قۇرىلىس نىساندارىن ەشقانداي كەدەرگىلەرسىز قابىلداپ، جالپى جۇمىس بارىسىندا «قامقورلىق» تانىتۋعا ۋادە بەرگەن، - دەپ حابارلادى سىبايلاس جەمقورلىققا قارسى ءىس- قيمىل ۇلتتىق بيۋروسىنىڭ اتىراۋ وبلىسى دەپارتامەنتىنىڭ باسپا ءسوز قىزمەتى.

ايتا كەتەيىك، 30 -قاڭتاردا ماقات اۋدانىنىڭ سوتى ج. مۇسەپوۆتى 2 اي مەرزىمگە تۇتىنداۋعا سانكسيا بەردى. ق. ادامبايەۆ تەرگەۋ اياقتالعانشا، ەشقايدا شىقپايتىن بولادى.