07:46, 07 - اقپان 2018 | GMT +5
قازاقستاندىق ب ا ق وكىلدەرى پحەنچحان قالاسىنا كەلدى
پحەنچحان. قازاقپارات - كەشە قازاقستاندىق ب ا ق وكىلدەرىنىڭ سوڭعى لەگى وڭتۇستىك كورەياعا كەلىپ جەتتى، دەپ حابارلايدى قازاقپارات اگەنتتىگىنىڭ XXIII قىسقى وليمپيادا ويىندارىنا بارعان ارنايى ءتىلشىسى.
بۇگىن XXIII قىسقى وليمپيادا ويىندارىنىڭ باستالۋىنا تۋرا 3 كۇن قالدى. كەشە وڭتۇستىك كورەياعا بەت العان رەيستە وليمپيادا ويىندارىنان ارنايى حابار تاراتۋعا استانادان ءبىرقاتار وتاندىق ب ا ق وكىلدەرى اتتانعان بولاتىن.
سەيسەنبى كۇنى ولار وليمپيادالىق قالاشىقتىڭ ىرگەسىندە ورنالاسقان قوناق ۇيلەردىڭ بىرىنە كەلىپ جايعاستى. كورەيالىقتار شەتەلدەن كەلگەن قوناقتاردى وتە جاقسى كوڭىل-كۇيمەن قابىلداپ جاتىر.
ەستەرىڭىزگە سالا كەتەيىك، وليمپيادا ويىندارى اقپاننىڭ 9-25 ارالىعىندا وتەدى. اتالعان ءتورتجىلدىق دودادا قازاقستان قۇراماسى سپورتتىڭ 9 تۇرىنەن ەل نامىسىن قورعايتىن بولادى. ال جالپى وليمپيادادا 15 سپورت تۇرىنەن 102 مەدال جيىنتىعى ساراپقا سالىنادى.
